လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနလက်အောက်ရှိ ရွှေဂုံတိုင်ကလေးပြုစုရေး ဌာနမှာ ကလေး(၈၄)ဦးကိုပြုစုစောင့်ရှောက်ပေးလျက်ရှိတယ်လို့သိရပါတယ်။ ရွှေဂုံတိုင်ကလေးပြုစုရေးဌာနမှာ မွေးစမှ အသက်(၁၀)နှစ်အထိ ကလေးတွေကို ပြုစုစောင့်ရှောက်ပေးနေပြီး စုစုပေါင်း (၈၄)ဦးရှိတယ်လို့ သိရပါတယ်။

ဒီကလေးတွေကတော့ စွန့်ပစ်ခံရတဲ့ကလေးများ၊ မိဘမဲ့ကလေးများ၊ အကြောင်းအမျိုးမျိုးကြောင့် ကြည့်ရှုမယ့်သူ မရှိတဲ့ကလေးတွေ ဖြစ်တယ်လို့ သိရပါတယ်။ ရွှေဂုံတိုင်ကလေးပြုစုရေးဌာနမှာ KG တန်းမှ စတုတ္ထတန်းအထိ (၃၂)ယောက်ရှိပြီး (၆)လအောက်(၃)ယောက်၊ မသန်စွမ်း (၅)ယောက်နဲ့ (၆)လမှ (၂)နှစ်အထိ အယောက်(၂၀)ရှိပြီး (၂)နှစ်မှ (၅)နှစ်အထိ (၂၄)ယောက်ရှိတယ်လို့ သိရပါတယ်။ (၁၀)နှစ်အထက်နဲ့ မူလတန်းအောင်မြင်ပြီးကလေးတွေကို လူမှုဝန်ထမ်းဦးစီးဌာနလက်အောက်ရှိ သက်ဆိုင်ရာ သင်တန်းကျောင်းတွေမှာ ထပ်မံပြုစုစောင့်ရှောက်ထားတယ်လို့ သိရပါတယ်။

ကလေးတွေကို လေ့ကျင့်သင်ကြားပေးရာမှာ မွေးစမှ(၁၀)နှစ်အရွယ်ဖြစ်တာကြောင့် စကားပြောတတ်စေရန် မိသားစု အခေါ်အဝေါ်များ ပီသစွာပြောဆိုတတ်စေဖို့ လေ့ကျင့်ပျိုးထောင်ပေးခြင်း၊ ကာယ၊ ဉာဏ၊ စာရိတ္တဖွံ့ဖြိုးတိုးတက်ဖို့အတွက် လေ့ကျင့်ပျိုးထောင်ပေးခြင်းအပြင် ဘာသာတရားကြည်ညိုတတ်စေဖို့ကိုလည်း လေ့ကျင့်ပေးတယ်လို့ သိရပါတယ်။ ဒါ့အပြင် ကလေးတွေ ပြင်ပဗဟုသုတရစေဖို့ ပျော်ရွှင်စရာလေ့လာရေးခရီးများ ပို့ဆောင်ပေးခြင်းကိုလည်း အခါအားလျော်စွာ လုပ်ဆောင်ပေးတယ်လို့ သိရပါတယ်။

 

 


 

Related News