ပြီးခဲ့တဲ့ ၂၀၁၇ ခုနှစ် ဇူလိုင်လမှ ၂၀၁၈ခုနှစ် ဇွန်လအထိ မြန်မာနိုင်ငံမှာအဖြစ်များတဲ့ ကူးစက်ရောဂါတွေနဲ့ ပတ်သက်ပြီး လေ့လာတွေ့ရှိထားတဲ့ အချက်တွေကို သုတေသနစာတမ်းပြုစုကာ ပြန်လည်ဖြန့်ဝေပေးခဲ့တယ်လို့ သိရပါတယ်။

ဖြန့်ဝေပေးခဲ့တဲ့ သုတေသနစာတမ်းတွေထဲမှာ မြန်မာနိုင်ငံမှာအဖြစ်များပြီး ကူးစက်တတ်သောရောဂါများဖြစ်တဲ့ တီဘီရောဂါ၊ HIV ရောဂါနဲ့ ငှက်ဖျားရောဂါများအကြောင်းလေ့လာထားတဲ့ သုတေသနစာတမ်း ၁၄ စောင်ပါဝင်ပါတယ်။ စာတမ်းတွေထဲမှာ ရောဂါတွေနဲ့ပတ်သက်တဲ့ထိန်းချုပ်နိုင်မှု၊ ကုသနိုင်မှု၊ ကာကွယ်ပေးနိုင်မှုတို့အတွက် ကြုံတွေ့နေရတဲ့ အခက်အခဲတွေ အောင်မြင်မှုတွေအကြောင်း ပါဝင်တယ်လို့ သိရပါတယ်။

အဆိုပါသုတေသနစာတမ်းတွေဖြန့်ဝေခြင်းကို ဇူလိုင်လ(၈)ရက်က နေပြည်တော်ရှိ Grand Amara Hotelမှာ ပြုလုပ်ခဲ့တာပါ။ လေ့လာတွေ့ရှိချက်တွေကို ဖြန့်ဝေပေးမှသာလျှင် အထက်ပါရောဂါတွေကို ကာကွယ်ရာမှာလည်းကောင်း၊ ကုသရာမှာလည်းကောင်း ထိန်းချုပ်ရာမှာလည်းကောင်း သုတေသနအချက်အလက်တွေကို အသုံးပြုနိုင်စေဖို့ ရည်ရွယ်လုပ်ဆောင်ခဲ့တာလို့ သိရပါတယ်။

ယခုလိုရောဂါတွေနဲ့ ပတ်သက်ပြီး လေ့လာတွေ့ရှိချက်သုတေသနစာတမ်းတွေကို ပြီးခဲ့တဲ့ ၂၀၁၅ခုနှစ်က စတင်လုပ်ဆောင် ခဲ့တာဖြစ်ပြီး တစ်နှစ်အကြာမှာ ဖြန့်ဝေပေးတယ်လို့ သိရပါတယ်။

 

 

Related News