တတိယကြိမ်မြောက် လူငယ်နဲ့ကျန်းမာရေးပညာပေးဟောပြောပွဲကို ဇူလိုင်လ(၁၂)ရက်က ရန်ကုန် ယုဝတီခရစ်ယာန်အသင်း ခန်းမ မှာကျင်းပပြုလုပ်ခဲ့တာဖြစ်ပါတယ်။လူငယ်နဲ့ကျန်းမာရေး ပညာပေး ဟောပြောပွဲမှာ ကျန်းမာရေးအတွက် ဗဟုသုတရစေမဲ့ အကြောင်းအရာတွေအပြင်   မိုးရာသီမှာဖြစ်ပွားလေ့ရှိတဲ့ ရောဂါများအကြာင်းကိုအဓိကထားဆွေးနွေးခဲ့တာဖြစ်ပါတယ်။ ဒီဟောပြောပွဲမှာ မိုးရာသီမှာ ကလေး၊ လူငယ်တွေ အများဆုံး ဖြစ်ပွားတဲ့ ရောဂါတွေက ၀မ်းကိုက်ရောဂါ၊ အူရောင်ငန်းဖျားရောဂါ၊တိုက်ဖိုက်ရောဂါ၊ အသည်းရောင်အသားဝါရောဂါ၊ ကာလ၀မ်းရောဂါ၊ ရာသီတုပ်ကွေး၊ သွေးလွန်တုပ်ကွေး စတဲ့ရောဂါတွေ ဖြစ်တယ်လို့ ပါမောက္ခဒေါက်တာညွှန့်သိန်းက ဆွေးနွေးပြောကြားခဲ့တာ ဖြစ်ပါတယ်။

လူငယ်နဲ့ကျန်းမာရေးပညာပေးဟောပြောပွဲကို လူငယ်တွေ ကျန်းမာရေးဗဟုသုတတိုးလာစေရန်နဲ့ ရရှိလာတဲ့ ဗဟုသုတများကို မိမိတို့ပတ်ဝန်းကျင်မှာ ပြန်လည်ဖြန့်ဝေနိုင်ရန် ရည်ရွယ်ပြီး ကျင်းပပြုလုပ်ခဲ့တာဖြစ်ပါတယ်။ လူငယ်နဲ့ကျန်းမာရေးပညာပေးဟောပြောပွဲကို ပြုလုပ်လာတာက အခုအကြိမ်နဲ့ဆိုရင် တတိယ်အကြိမ်မြောက်ဖြစ်ပြီး ပထမအကြိမ်ကို ရန်ကင်းပညာရေးကောလိပ်၊  ဒုတိယအကြိမ်ဟောပြောပွဲကိုတော့ သူနာပြုတက္ကသိုလ် တို့မှာ ကျင်းပပြုလုပ်ခဲ့တာ ဖြစ်ပါတယ်။

 

 

 

Related News