Forever Group နဲ့ လူမှုဖူလုံရေးအဖွဲ့(SSB)တို့ပူပေါင်းပြီး Forever Group မှ ၀န်ထမ်းတွေရဲ့ကျန်းမာရေးအတွက် ကွင်းဆင်းဆေးကုသပေးခြင်းနဲ့ ကျန်းမာရေးဆိုင်ရာအသိပညာပေးဟောပြောပွဲကို သြဂုတ်လ(၃)ရက်က ရန်ကုန်မြို့ ပြည်လမ်း မြန်မာ့အသံဝင်းမှာပြုလုပ်ပေးခဲ့တာဖြစ်ပါတယ်။ ဒီအခမ်းအနားမှာ လူမှုဖူလုံရေးအဖွဲ့(SSB)ရဲ့ ဆေးရုံအုပ်က Forever Group ရဲ့ဌာနအသီးသီးမှ ၀န်ထမ်းများကို ရာသီတုတ်ကွေးများအကြောင်းနဲ့ တုတ်ကွေးကူးစက်ပုံအကြောင်းများ၊ တုတ်ကွေးရောဂါ ကူးစက်ခံရပါက မပြန့်ပွားအောင် ဂရုပြုပုံအကြောင်း၊ ကိုယ်ခံအားကောင်းမွန်အောင်နေထိုင်ပုံအကြောင်းများနဲ့ ကျန်းမာရေးအတွက် လက်ဆေးပုံအဆင့်ဆင့်စတဲ့ ကျန်းမာရေးဆိုင်ရာအသိပညာများကို ဟောပြောခဲ့ပြီး၊ ၀န်ထမ်းများကပေးမြန်းတဲ့ ကျန်းမာရေးဆိုင်ရာမေးခွန်းတွေကိုပြန်လည်ဖြေကြားပေးခဲ့တာဖြစ်ပါတယ်။

ကျန်းမာရေးဆိုင်ရာအသိပညာတွေကိုဟောပြောပြီးတဲ့နောက်မှာတော့ Forever Group မှဝန်ထမ်းတွေရဲ့ သွား၊ ခံတွင်း၊ ဒူးနဲ့ အခြားအထွေထွေဆိုင်ရာရောဂါများအတွက် ကျန်းမာရေးစစ်ဆေးပေးခြင်းတွေလည်းပြုလုပ်ပေးခဲ့တာ ဖြစ်ပါတယ်။Forever Group ဟာ ၀န်ထမ်းတွေနဲ့အတူ ပရဟိတလုပ်ငန်းများ၊ သွေးလှူဒါန်းပွဲများ၊ မိဘမဲ့ကလေး ဂေဟာများမှ ကလေးငယ်တွေအတွက် ပျော်ပွဲရွှင်ပွဲများ၊ နေ့ထူးနေ့မြတ် အထိမ်းအမှတ်ပွဲများနဲ့ ၀န်ထမ်းတွေအတွက် ကျန်းမာရေးနဲ့ ဗဟုသုတဆိုင်ရာ ဟောပြောပွဲများကို နှစ်စဉ်ပြုလုပ်ပေးနေတာ ဖြစ်ပါတယ်။ အိကေခိုင်ဖြိုးကပေးပို့ထားတာဖြစ်ပါတယ်။

 

 

Related News