အောက်တိုဘာ ၁၇ ရက်က မန္တလေးမြို့ ဦးလှထွန်း မေတ္တာရိပ်မွန်ကင်ဆာဖောင်ဒေးရှင်းအတွက်  စိန်စမ္ပယ်ဖူးစိန်တိုက်က ဆေးရုံလူနာဆောင်  ပေးအပ်လှူဒါန်းခဲ့ပါတယ်။မန္တလေးမြို့ ဦးလှထွန်းမေတ္တာရိပ်မွန်ကင်ဆာဖောင်ဒေးရှင်းကို  ၂၀၀၃ ခုနှစ်က စတင်တည်ထောင်ခဲ့တာဖြစ်လို့ အခုဆို သက်တန်း ၁၅ နှစ် ကျော်ရှိနေပါပြီ။  ဦးလှထွန်းမေတ္တာရိပ်မွန်ကင်ဆာဖောင်ဒေးရှင်းမှာ ကင်ဆာရောဂါဝေဒနာကို ခံစားနေရတဲ့ လူနာတွေ တက်ရောက်ကုသနေတယ်လို့ သိရပါတယ်။ ဒါကြောင့် ကင်ဆာရောဂါဝေဒနာကို ခံစားနေရတဲ့လူနာတွေ အဆင်ပြေစွာတက်ရောက်ကုသနိုင်စေဖို့အတွက် ဆေးရုံလူနာဆောင်ကို လှူဒါန်းတာ ဖြစ်တယ်လို့ အလှူရှင် ဦးအောင်လွင်အေးက ပြောပါတယ်။

မန္တလေးမြို့ ဦးလှထွန်းမေတ္တာရိပ်မွန်ကင်ဆာဖောင်ဒေးရှင်းမှာ လက်ရှိ  ကုတင် ၅၀ ဆံ့ ဆေးရုံဖြစ်ပြီး တက်ရောက် ကုသတဲ့ ကင်ဆာရောဂါဝေဒနာသည်တွေကို အခမဲ့ ကုသပေးနေတာဖြစ်တယ်လို့သိရပါတယ်။  ဝေဒနာသည်တွေကို ရုပ်ပိုင်းဆိုင်ရာ၊ စိတ်ပိုင်းဆိုင်ရာ လူမှုရေးပိုင်းဆိုင်ရာနဲ့ ဘာသာရေးပိုင်းဆိုင်ရာ ပြုစုစောင့်ရှောက်တာတွေကို အခြေခံထားကာ ပြုစုစောင့်ရှောက်နေတာဖြစ်တယ်လို့ သိရပါတယ်။မန္တလေးမြို့မှာ  ဦးလှထွန်းမေတ္တာရိပ်မွန်ကင်ဆာဖောင်ဒေးရှင်းဖွင့်လှစ်ခဲ့တဲ့  ၁၅ နှစ်တာကာလအတွင်း ကင်ဆာရောဂါဝေဒနာသည် ၃၃၀၀ ကျော်ကိုိ ပြုစုစောင့်ရှောက်ခဲ့လို့ သိရပါတယ်။

 

 

Related News