မြန်မာနိုင်ငံဆရာဝန်အသင်း(ဗဟို)၊ အကြောအဆစ်နှင့် ကိုယ်အင်္ဂါပြန်လည်သန်စွမ်းရေး ဆေးပညာအဖွဲ့မှ ဦးစီး ကျင်းပတဲ့ (၁၇)ကြိမ်မြောက် အာရှနိုင်ငံများရဲ့အာရုံကြောမကြီးဆိုင်ရာ ဆေးပညာညီလာခံနှင့် (၁၅)ကြိမ်မြောက်ကိုယ်အင်္ဂါပြန်လည်သန်စွမ်းရေးဆေးပညာညီလာခံကို နိုဝင်ဘာလ(၈)ရက်မှ(၁၁)ရက်အထိ ရန်ကုန်မြို့ တော်ဝင်ဂါးဒင်းဟိုတယ်မှာ ပြုလုပ်နေတာဖြစ်ပါတယ်။ ဒီညီလာခံကို နိုင်ငံတကာမှဆေးပညာရှင်တွေရဲ့ အာရုံကြောမကြီးဆေးပညာရပ်ဆိုင်ရာအတွေ့အကြုံများနဲ့ သုတေသနပြုချက်များကို တင်ပြဆွေးနွေးနိုင်ခြင်း၊ ကိုယ်အင်္ဂါပြန်လည်သန်စွမ်းရေးဆေးပညာရှင်တွေ အချင်းချင်း စည်းလုံးညီညွှတ်မှုရရှိနိုင်စေခြင်း၊တိုးတက်နေတဲ့ ကိုယ်အင်္ဂါပြန်လည်သန်စွမ်းရေးဆေးပညာဆိုင်ရာ အတွေ့အကြုံများကိုဖလှယ်နိုင်စေခြင်း စတဲ့ရည်ရွယ်ချက်တွေနဲ့ပြုလုပ်ကျင်းပနေတာဖြစ်တယ်လို့ သိရပါတယ်။

ဒီညီလာခံမှာ ကိုယ်အင်္ဂါပြန်လည်သန်စွမ်းရေးကုသမှုလုပ်ငန်းစဉ်တွေ၊ နည်းပညာများနဲ့ အာရုံကြောမကြီး ထိခိုက်မှုအတွက်စောင့်ရှောက်ကုသမှုရရှိနိုင်ရေးဆိုင်ရာလုပ်ငန်းစဉ်တွေကို နိုင်ငံပေါင်း(၁၉)နိုင်ငံမှ အပြည်ပြည် ဆိုင်ရာဆေးပညာရှင်(၅၅)ဦးတို့က ဟောပြောဆွေးနွေးနေကြတာဖြစ်ပါတယ်။(၁၇)ကြိမ်မြောက် အာရှနိုင်ငံများရဲ့အာရုံကြောမကြီးဆိုင်ရာဆေးပညာညီလာခံနှင့် (၁၅)ကြိမ်မြောက် ကိုယ်အင်္ဂါပြန်လည်သန်စွမ်းရေးဆေးပညာညီလာခံကို နှစ်စဉ်ကျင်းပပြုလုပ်နေတာဖြစ်ပြီး၊ ဒီထဲကမှ အာရှဒေသဆိုင်ရာ အာရုံကြောမကြီးဆိုင်ရာဆေးပညာအဖွဲ့အစည်းရဲ့(၁၇)ကြိမ်မြောက်ညီလာခံကိုတော့  မြန်မာနိုင်ငံက အိမ်ရှင်နိုင်ငံအဖြစ် ပထမဆုံးအကြိမ်တာဝန်ယူကျင်းပတာဖြစ်တယ်လို့ သိရပါတယ်။ 

 

 

Related News