တီဘီ၊ ဆေးယဉ်ပါး တီဘီနဲ့ ပြင်းထန်ဆေးယဉ်ပါး တီဘီရောဂါအကြောင်း စာတမ်းဖတ်ပွဲကို မြန်မာနိုင်ငံဆရာဝန်အသင်းမှာ နိုဝင်ဘာ (၁၁)ရက်က ပြုလုပ်ခဲ့ပါတယ်။ မြန်မာနိုင်ငံက ဆရာဝန်တွေ ဆေးယဉ်ပါး တီဘီရောဂါအကြောင်း ပိုမိုသိရှိပြီး တီဘီရောဂါကို ကုသရာမှာ အထောက်အကူပြု စေဖို့ ယခုလို စာတမ်းဖတ်ပွဲ ပြုလုပ်ပေးရတာဖြစ်တယ်လို့သိရပါတယ်။ ကမ္ဘာ့ကျန်းမာရေးအဖွဲ့ရဲ့ ထုတ်ပြန်ချက်အရ ဆေးယဉ်ပါး တီဘီ ဖြစ်ပွားမှုအများဆုံး (၁၃) နိုင်ငံထဲမှာ မြန်မာနိုင်ငံကပါဝင်နေပြီး တီဘီရောဂါဖြစ်ပွားနေတဲ့ လူဦးရေ တစ်သိန်းထဲမှာ သုံးရာကျော်က ဆေးယဉ်ပါးတီဘီရောဂါကို ထပ်ဆင့်ခံစားနေရတယ်လို့သိရပါတယ်။

တီဘီရောဂါကုသမှုကို အချိန်ကာလ အပြည့် မခံယူတာ၊ ဆေးတွေကို ညွှန်ကြားတဲ့အတိုင်း မသောက်တာ၊ ဆေးကုသထုံးမှားတာတွေကြောင့် တီဘီဆေးတွေကို တီဘီပိုးက ယဉ်ပါးသွားပြီး နောက်ပိုင်း ဆေးယဉ်ပါးတီဘီ ဆက်လက်ဖြစ်ပွားတယ်လို့သိရပါတယ်။လက်ရှိ မြန်မာနိုင်ငံမှာ ဆေးယဉ်ပါးတီဘီကို သေချာကုသမှုခံယူမယ်ဆိုရင် ပျောက်ကင်းနိုင်တဲ့ ဆေးဝါးနဲ့ကုထုံးတွေ ရှိနေပြီဖြစ်တယ်လို့သိရပါတယ်။ တီဘီရောဂါဖြစ်ပွားတယ်လို့သံသယရှိရင် မြန်မာနိုင်ငံတစ်ဝန်းက အစိုးရကျန်းမာရေးဌာနတွေမှာ တီဘီရောဂါကုသမှုကို အခမဲ့ ရယူနိုင်တယ်လို့သိရပါတယ်။ ရောဂါကုသမှုကြာချိန်ကတော့ ရောဂါလက္ခဏာအပေါ်မူတည်ပြီး ခြောက်လမှ ကိုးလအထိ ကုသမှုခံယူရပြီး တီဘီရောဂါကို စောစီးစွာ သိရှိပြီး ကုသတာက ပျောက်ကင်းဖို့ အခွင့်အလမ်းများတယ်လို့သိရပါတယ်။ 

 

 

Related News