ဆေးဝါးနှင့်အလှကုန်သုံးစွဲခြင်း၊ ရောင်းချခြင်းဆိုင်ရာအသိပညာပေးအစီအစဉ်ကို ဇန်နဝါရီလ(၁၀)ရက်ကမန္တလေးမြို့ အောင်မြေသာစံမြို့နယ် ဝါးရောင်ဝင်းဓမ္မာရုံမှာ ပြုလုပ်ခဲ့ပါတယ်။ ကျန်းမာရေးနှင့်အားကစားဝန်ကြီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန(FDA)က ဆေးဝါးနှင့်အလှကုန်သုံးစွဲခြင်းရောင်းချခြင်းအတွက် အသိပညာပေးအစီအစဉ်က မန္တလေးမြို့မှာ မြို့နယ်၊ ရပ်ကွက်အလိုက် အပတ်စဉ်ဆောင်ရွက်နေတယ်လို့ သိရပါတယ်။

ဒီလိုဆောင်ရွက်နေတာဟာ ပြည်သူလူထုအကြား ဆေးဝါးနဲ့ အလှကုန်တွေသုံးစွဲ၊ ရောင်းချခြင်းတွေမှာ ဘေးအန္တရာယ် ကင်းဆေးဝါး အလှကုန်တွေ သုံးစွဲရောင်းချနိုင်ဖို့အတွက် ရည်ရွယ်တယ်လို့သိရပါတယ်။ ဆေးဝါးနဲ့ အလှကုန် ဘေးအန္တရာယ်ကင်းရှင်းရေးကို ဌာနဆိုင်ရာကြီးကြပ်ကွပ်ကဲမှုအပြင်၊ ရောင်းချသူ၊ သုံးစွဲသူတွေကပါ အတူပူးပေါင်းလိုက်နာဆောင်ရွက်မှ ဆေးဝါး၊အလှကုန်ဘေးအန္တရာယ် ကင်းရှင်းရေးကိုရရှိမှာဖြစ်တယ်လို့ အစားအသောက်နှင့်ဆေးဝါးကွပ်ကဲရေးဦးစီးဌာန(မန္တလေး)ဆေးဝါးဌာနခွဲက ဒေါက်တာဟန်နီခင်ကပြောပါတယ်။

ဆေးဝါးသုံးစွဲရာမှာ လိုက်နာရမယ့်အချက်၊စပ်ဆေးတွဲဆေးနဲ့ပတ်သက်တာ၊ အလှကုန်တွေသုံးစွဲရာမှာ တားမြစ်ထားတဲ့ဓါတုပစ္စည်းတွေပါတဲ့အလှကုန်တွေကိုခွဲခြားသိဖို့၊ မရောင်းချ၊ မသုံးစွဲမိဖို့ကို ခွဲခြားနိုင်ဖို့ အသိပညာပေးခဲ့တယ်လို့ သိရပါတယ်။

ပြည်သူလူထုအကြားမှာ အစားအသောက်၊ ဆေးဝါး၊ အလှကုန်တွေနဲ့ပတ်သက်ပြီး ဆိုးဆေးအန္တရာယ်၊ ဓါတုပစ္စည်းတွေပါတဲ့ အလှကုန်ပစ္စည်းအန္တရာယ်တွေကို အရင်ကထက်ပိုမိုသိရှိလာကြတယ်လို့သိရပါတယ်။ အခုပြုလုပ်တဲ့ဆေးဝါးနှင့် အလှကုန်ဘေးအန္တရာယ်ကင်းရှင်းရေး အသိပညာပေးအစီအစဉ်ကို၂၀၁၉ခုနှစ်အတွင်း ပထမဆုံးအကြိမ်ပြုလုပ်တာဖြစ်တယ်လို့သိရပါတယ်။ကျန်းမာရေးနှင့်အားကစားဝန်ကြီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန(FDA)ကသုံးစွဲရန်မသင့်တဲ့အစားအသောက်၊ ဆေးဝါး၊အလှကုန်တွေကို ပြည်သူလူထုအကြားသိရှိဖို့ ထုတ်ပြန်ကြေငြာပေးနေတယ်လို့သိရပါတယ်။

 

 

Related News