ဆင်ခြေထောက်ရောဂါကင်းဝေးရေးလူအားလုံးဆေးကျွေးခြင်းလုပ်ငန်းအတွက်အသိပညာပေးဆွေးနွေးပွဲကို ဇန်န၀ါရီလ (၁၁)ရက်က ရန်ကုန်တိုင်းဒေသကြီး၊ ပြည်သူ့ကျန်းမာရေးဦးစီးဌာနမှာ ပြုလုပ်ခဲ့ပါတယ်။ အသိပညာပေးဆွေးနွေးပွဲမှာ ဆင်ခြေထောက်ရောဂါကင်းဝေးဖို့အတွက် ဇန်န၀ါရီ(၂၂)ရက်နေ(၃၁)ရက်အထိ ရန်ကုန်တိုင်း ဒေသကြီးအတွင်း ဆေးတိုက်ကျွေးဖို့အတွက် ကျန်းမာရေးနဲ့သက်ဆိုင်တဲ့နှီးနှောတဲ့အဖွဲ့တွေနဲ့ လုပ်ငန်းစဉ်အကြောင်း တွေကိုပြောကြားခဲ့တာဖြစ်ပါတယ်။ဆင်ခြေထောက်ရောဂါဟာ ရောဂါပိုးဖြစ်စေတဲ့ သံကောင်၊ သံလုံး၊ သံပြားကောင်တွေနဲ့ ရေစီးရေလာမကောင်းတဲ့မြောင်းတွေ၊ရေပုပ်၊ရေသိုးတွေမှာ ပေါက်ဖွားတဲ့ခြင်တွေကြောင့်လည်း ဖြစ်ပွားတာဖြစ်တယ်လို့ သိရပါတယ်။

ဆင်ခြေထောက်ရောဂါမဖြစ်ပွားစေဖို့အတွက် မြို့နယ်တွေရဲ့ကျန်းမာရေးဦးစီးဌာနတွေနဲ့ပူးပေါင်းပြီး ညနေပိုင်းတွေမှာ အိမ်တိုင်ရာရောက်တိုက်ကျွေးသွားမှာဖြစ်တယ်လို့သိရပါတယ်။ ဆင်ခြေထောက်ရောဂါဟာအသက်အရွယ်မရွေးဖြစ်ပွားနိုင်တာဖြစ်ပြီး ရောဂါလက္ခဏာတွေကတော့ချမ်းတုန်ပြီးဖျားတာမျိုး၊ ပန်းနာရင်ကြပ်၊ခြေတွေလက်တွေရောင်ရမ်းလာတာမျိုးအစရှိတဲ့လက္ခဏာတွေဟာ (၆)လကနေတစ်နှစ်လောက်ကြာမှသာ ရောဂါလက္ခဏာပြတာဖြစ်တယ်လို့သိရပါတယ်။


ရန်ကုန်တိုင်းဒေသကြီး၊ပြည်သူ့ကျန်းမာရေးဦးစီးဌာနအနေနဲ့ဆင်ခြေထောက်ရောဂါကင်းဝေးဖို့အတွက် ဆေးတိုက်ကျွေးလာတာ(၅)ကြိမ်ရှိပြီလို့သိရပါတယ်။ အခု(၆)ကြိမ်မြောက်တိုက်ကျွေးမယ့် ဇန်န၀ါရီလထဲမှာတော့ ဆေးသောက်သုံးသူတွေကို မြို့နယ်၊ ခရိုင်တွေအလိုက် လာမယ့်သြဂုတ်လမှာ ဆန်းစစ်မှုတွေပြုလုပ်သွားမယ်လို့ သိရပါတယ်။ ဆင်ခြေထောက်ရောဂါပိုးရှိမရှိ ဆန်းစစ်မှုတွေအောင်မြင်ရင်တော့ (၂၀၂၀)ခုနှစ်မှာဆေးမတိုက် ကျွေးတော့ပဲဆင်ခြေထောက်ရောဂါကင်းဝေးအောင် စီမံချက်ချဆောင်ရွက်သွားမယ်လို့ သိရပါတယ်။

 

 

 

Related News