ကျန်းမာရေးနဲ့အားကစားဝန်ကြီးဌာနရဲ့ လမ်းညွှန်မှုနဲ့ ရွှေရောင်နှင်းဆီကင်ဆာဖောင်ဒေးရှင်းကပူးပေါင်းပါဝင် လုပ်ဆောင် သွားမယ့် ကမ္ဘာကင်ဆာရောဂါ အထိမ်းအမှတ်နေ့ အတွက်  အသိပညာမြှင့်တင်ရေး လှုပ်ရှားမှုများကိုတော့ အခုနှစ်(၂၀၁၉)ခုနှစ်ကစပြီး (၂၀၂၁)ခုနှစ် အထိ ဆောင်ရွက်သွားမယ်လို့  ဇန်န၀ါရီလ(၁၅)ရက်က တော်ဝင်ဂါးဒင်းဟိုတယ်မှာ ကျင်းပခဲ့တဲ့ အဆိုပါ လှုပ်ရှားမှုမှာ ပူးပေါင်းပါဝင်မယ့် အဖွဲ့အစည်းများနဲ့ တွေ့ဆုံပွဲမှ သိရပါတယ်။၂၀၁၈ခုနှစ်မှာ ထုတ်ပြန်ထားတဲ့ ကမ္ဘာ့ကင်ဆာရောဂါဆိုင်ရာကိန်းဂဏန်းများအရ ကမ္ဘာပေါ်မှာ ကင်ဆာရောဂါဝေဒနာ ခံစားရသူ (၁၈.၁)သန်းထိမြင့်တက်လာပြီး သေဆုံးသူ(၉.၆)သန်းထိရှိခဲ့တယ်လို့ သိရပါတယ်။ဒါ့အပြင် ကမ္ဘာပေါ်မှာ ကင်ဆာရောဂါဝေဒနာ ခံစားနေရသူ ထက်ဝက်ခန့်နဲ့သေဆုံးသူထက်ဝက်ကျော်မှာ အာရှတိုက်မှဖြစ်တယ်လို့ သိရပါတယ်။

ဒီလိုဖြစ်ရတာက ကုသခြင်း ရလဒ်မကောင်းတဲ့ ကင်ဆာရောဂါအမျိုးအစားတွေ ပိုအဖြစ်များခြင်း၊ ရောဂါကိုစောစီးစွာ မရှာဖွေနိုင်ခြင်းနဲ့ ကုသမှုအချိန်မှီမရနိုင် တာကြောင့်ဖြစ်တယ်လို့ သိရပါတယ်။ဒါကြောင့် တစ်ကမ္ဘာလုံးကင်ဆာရောဂါကို စုပေါင်းတိုက်ဖျက်နိုင်ဖို့အတွက် ဖေဖော်ဝါရီ(၄) ရက်နေ့ကို ကမ္ဘာ့ကင်ဆာရောဂါအထိမ်းအမှတ်နေ့အဖြစ် သတ်မှတ်ပြီး ကင်ဆာရောဂါဆိုင်ရာသတင်းအချက်အလက်တွေနဲ့ အသိပညာတိုးပွားစေရန်၊ကာကွယ်ရေး နဲ့ စောစီးစွာရောဂါရှာဖွေရေး၊ ကုသရေး တို့ကို လှုပ်ရှားဆောင်ရွက်နေကြတာဖြစ်ပါတယ်။

ကမ္ဘာ့ကင်ဆာရောဂါအထိမ်းအမှတ်နေ့ကို (၂၀၁၉ )ခုနှစ်မှ(၂၀၂၁)ထိသုံးနှစ်တာလှုပ်ရှားမှုအနေနဲ့ တစ်ကမ္ဘာလုံးမှာ ဆောင်ရွက် သွားမှာဖြစ်ပြီး ပြည်တွင်းမှာလည်း ကျန်းမာရေးနဲ့အားကစားဝန်ကြီးဌာန ရဲ့ လမ်းညွှန်မှုနဲ့အတူ ရွှေရောင်နှင်းဆီ ကင်ဆာဖောင်ဒေး ရှင်းက ပူးပေါင်းပါဝင်ပြီး အသိပညာမြှင့်တင်ခြင်းတွေ ဆောင်ရွက်သွားမယ်လို့သိရပါတယ်။ အဆိုပါ(၃)နှစ် တာကာလ လှုပ်ရှားမှုမှာ ကင်ဆာရောဂါအကြောင်းအသိပညာပေးဟောပြောပွဲတွေ ပြုလုပ်ခြင်း၊ကျန်းမာရေး စစ်ဆေးပေးခြင်း၊ နိုင်ငံတကာကင်ဆာထိန်း ချုပ်ရေးအဖွဲ့ကြီးက ပြုစုထားတဲ့ ကမ္ဘာ့ကင်ဆာရောဂါနေ့လှုံဆော်မှု ဗွီဒီယိုများပြသခြင်း နဲ့ ကင်ဆာရောဂါတိုက်ဖျက်ရေးကို အရေးတယူလုပ်ဆောင်ကြဖို့အတွက် ဟောပြောပို့ချခြင်းတွေ ပါဝင်မယ်လို့ သိရပါတယ်။ကမ္ဘာကင်ဆာရောဂါအထိမ်းအမှတ်နေ့အတွက် ပြုလုပ်မယ့်(၃)နှစ်တာကာလလှုပ်ရှားမှုအစီအစဉ်တွေကို လာမယ့် ဖေဖော်ဝါရီလ (၄)ရက်နေ့ကစတင်ပြီး တိုင်းဒေသကြီးနဲ့ပြည်နယ် အသီးသီးမှာ ပြုလုပ်သွားမှာဖြစ်တယ်လို့ သိရပါတယ်။

 

 

Related News