ရန်ကုန်ကလေးဆေးရုံကြီးတွင် ကင်ဆာရောဂါဝေဒနာခံစားနေရသူ အသက် ၁၂ နှစ်အောက်ကလေးငယ်တွေကို ဆေးကုသမှုပေးလျက်ရှိပြီး ဒီလိုကုသပေးလျက်ရှိရာမှာတော့ (၂၀၁၈)ခုနှစ်အတွင်း ကင်ဆာလူနာဟောင်းအပြင် ကင်ဆာလူနာသစ်သစ်ဦးရေ (၃၇၂)ဦးကို လက်ခံကုသ ပေးခဲ့တယ်လို့ သိရပါတယ်။ ရန်ကုန်ကလေးဆေးရုံကြီးမှာ လက်ရှိကင်ဆာကလေးငယ် သုံးထောင်နီးပါးကို ဆေးကုသမှုပေးလျက်ရှိပြီး အဲဒီထဲမှာ (၂၀၁၈)ခုနှစ်အတွက် ကင်ဆာလူနာသစ်(၃၇၂)ဦးလဲ ပါဝင်ပါတယ်။ ကင်ဆာအမျိုးအစားအစုံကို ရန်ကုန်ကလေးဆေးရုံကြီးမှာကုသနိုင်ပြီး သွေးကင်ဆာဖြစ်လို့ လာရောက်ကုသတဲ့အရေအတွက်ကတော့ အများဆုံးဖြစ်တယ်လို့ သိရပါတယ်။ ရန်ကုန်ကလေးဆေးရုံကြီးမှာ သွေးကင်ဆာရောဂါကို ကုသ ပေးရာမှာ ၈၅ ရာခိုင်နှုန်းအထိ အောင်မြင်မှုရရှိခဲ့တယ်လို့ ရန်ကုန်ကလေးဆေးရုံကြီးမှ ပါမောက္ခဒေါက်တာအေးအေးခိုင်က ပြောပါတယ်။


ကလေးငယ်တွေမှာ ကင်ဆာဖြစ်ပွားရတာဟာ အစားအသောက်နဲ့မဆိုင်ဘဲ မျိုးရိုးဗီဇကြောင့်သာ အများဆုံးဖြစ်ပွားကြတာ ဖြစ်ပါတယ်။ ရန်ကုန်ကလေးဆေးရုံကြီးအနေနဲ့ ကင်ဆာကလေးငယ်တွေကို ဆေးကုသရာမှာ နိုင်ငံတော်ရဲ့ထောက်ပံ့မှုအပြင် ပြင်ပအလှူရှင်တွေရဲ့ ထောက်ပံ့မှုနဲ့ ကင်ဆာဆေးဝါးတွေကို အခမဲ့ပေးတယ်လို့ ဒေါက်တာတင့်မျိုးနှင်းက ပြောပါတယ်။ရန်ကုန်ဆေးရုံကြီးမှာ ကင်ဆာရောဂါကို လွန်ခဲ့တဲ့ ၁၅ နှစ်ကတည်းက ကုသပေးခဲ့တာဖြစ်ပြီး လက်ရှိမှာတော့ ကင်ဆာရောဂါကို ကုသပေး နေတာ ရန်ကုန်ကလေးဆေးရုံကြီးနဲ့ မန္တလေးကလေး ဆေးရုံကြီးနှစ်ခုသာရှိပြီး အခြားတိုင်းဒေသကြီးက ဆေးရုံတွေနဲ့လည်း ပူးပေါင်းကုသဖို့ အစီအစဉ်ကိုလဲ အကောင်အထည်ဖော် ဆောင်ရွက်သွားမယ်လို့ သိရပါတယ်။

 

 

Related News