ကမ္ဘာပေါ်မှာ ကင်ဆာရောဂါ ဝေဒနာခံစားနေရသူ ထက်ဝက်ခန့်နဲ့ သေဆုံးသူထက်ဝက်ကျော်က  အာရှတိုက်မှဖြစ်တယ်လို့ အပြည်ပြည်ဆိုင်ရာ ကင်ဆာသုတေသနအဖွဲ့ကြီးရဲ့ ထုတ်ပြန်ချက်အရသိရပါတယ်။

၂၀၁၈ခုနှစ်မှာ ထုတ်ပြန်ထားတဲ့ ကမ္ဘာ့ကင်ဆာရောဂါဆိုင်ရာကိန်းဂဏန်းများအရ ကမ္ဘာပေါ်မှာ ကင်ဆာရောဂါဝေဒနာ ခံစားရသူ (၁၈.၁)သန်းထိမြင့်တက်လာပြီး သေဆုံးသူ(၉.၆)သန်းထိရှိခဲ့တယ်လို့ သိရပါတယ်။ဒါ့အပြင် ကမ္ဘာပေါ်မှာ ကင်ဆာရောဂါဝေဒနာခံစားနေရသူထက်ဝက်ခန့်နဲ့ သေဆုံးသူထက်ဝက်ကျော်မှာ အာရှတိုက်မှဖြစ်တယ်လို့လည်း သိရပါတယ်။ ဒီလိုဖြစ်ရတာက ကုသခြင်းရလဒ်မကောင်းတဲ့ ကင်ဆာရောဂါအမျိုးအစားတွေပိုအဖြစ်များခြင်း၊ ရောဂါကိုစောစီးစွာ မရှာဖွေနိုင်ခြင်း နဲ့ ကုသမှုအချိန်မီမရနိုင်တာတွေကြောင့်ဖြစ်တယ်လို့ သိရပါတယ်။ ဒါကြောင့် တစ်ကမ္ဘာလုံးကင်ဆာရောဂါ  ကိုစုပေါင်းတိုက်ဖျက်နိုင်ဖို့အတွက် ဖေဖော်ဝါရီ(၄)ရက်ကို ကမ္ဘာ့ကင်ဆာရောဂါအထိမ်းအမှတ်နေ့အဖြစ် သတ်မှတ်ပြီး ကင်ဆာရောဂါဆိုင်ရာသတင်းအချက်အလက်တွေ နဲ့ အသိပညာတိုးပွားစေရန် ကာကွယ်ရေး နဲ့ စောစီးစွာရောဂါရှာဖွေရေး၊ ကုသရေး တို့ကို လှုပ်ရှားဆောင်ရွက်နေကြတာဖြစ်ပါတယ်။

အပြည်ပြည်ဆိုင်ကင်ဆာသုတေသနအဖွဲ့ကြီးရဲ့ ခန့်မှန်းချက်တွေအရ ကမ္ဘာပေါ်မှာ အမျိုးသား(၅)ဦးမှာ(၁)ဦး၊ အမျိုးသမီး(၆)ဦးမှာ (၁)ဦးခန့်က လူ့သက်တမ်းအတွင်း ကင်ဆာရောဂါဝေဒနာကို ခံစားနေရပြီး ကင်ဆာရောဂါနဲ့ သေဆုံးမှုကတော့ အမျိုးသား(၈)ဦးမှာ(၁)ဦး၊ အမျိုးသမီး(၁၁)ဦးမှာ(၁)ဦး ခန့် သေဆုံးနေရတယ်လို့ သိရပါတယ်။ဒီခန့်မှန်းချက်အရ အာရှတိုက်နဲ့အာဖရိကတိုက်တို့မှာ ကင်ဆာဖြစ်ပွားမှုနှုန်း နှိုင်းယှဉ်ကြည့်ရာမှာလည်း အာရှတိုက်မှာ ကင်ဆာရောဂါဖြစ်ပွားမှုနှုန်း  (၇.၃)ရာခိုင်နှုန်း နဲ့ အာဖရိကတိုက်မှာ ကင်ဆာရောဂါဖြစ်ပွားမှုနှုန်း (၅.၈)ရာခိုင်နှုန်းဖြစ်ပွားနေပြီး အာရှတိုက်မှာသာပိုအဖြစ်များနေတယ်လို့ ၂၀၁၈ခုနှစ် ကမ္ဘာ့ကင်ဆာရောဂါ ဆိုင်ရာကိန်းဂဏန်း ထုတ်ပြန်ချက်တွေအရသိရပါတယ်။

ဒီလိုအာရှတိုက်မှာအဖြစ်များနေတဲ့ကင်ဆာရောဂါကိုတိုက်ဖျက်ဖို့အတွက် ၂၀၁၉ခုနှစ်မှာကျရောက်မယ့် ကမ္ဘာ့ကင်ဆာရောဂါအထိမ်းအမှတ်နေ့ သုံးနှစ်တာလှုပ်ရှားမှုကို တစ်ကမ္ဘာလုံးမှာ ဆောင်ရွက်သွားမှာဖြစ်သလို ပြည်တွင်းမှာလည်း ကျန်းမာရေးနဲ့အားကစားဝန်ကြီးဌာန ရဲ့ လမ်းညွှန်မှုနဲ့အတူ ရွှေရောင်နှင်းဆီ ကင်ဆာဖောင်ဒေးရှင်းကလည်း ပူးပေါင်းပါဝင်ပြီး အသိပညာမြှင့်တင်ခြင်းတွေဆောင်ရွက်သွားမယ်လို့သိရပါတယ်။

 

 

 

Related News