မြန်မာနိုင်ငံအာမခံအသင်းမှ ကျန်းမာရေးအာမခံအမျိုးအစားအသစ်(၃)မျိုးကို ဇန်န၀ါရီလ(၂၉)ရက်က ကုန်သည်လမ်းရှိ မြန်မာ့အာမခံလုပ်ငန်းမှာမိတ်ဆက်ခဲ့ပါတယ်။အခုမိတ်ဆက်ခဲ့တဲ့ ကျန်းမာရေးအာမခံအမျိုးအစားအသစ်(၃)မျိုးကတော့ လူထုအခြေပြုကျန်းမာရေး စောင့်ရှောက်မှုအာမခံ၊ ပြင်းထန်သောရောဂါကုသမှုအာမခံ၊ ကျန်းမာရေးအာမခံစတဲ့ အာမခံအမျိုးအစားတွေ ဖြစ်တယ်လို့သိရပါတယ်။ မြန်မာနိုင်ငံမှာ ကျန်းမာရေးအာမခံကို(၂၀၁၅)ခုနှစ်က စတင်ပြုလုပ်ခဲ့ပေမယ့် ပရီမီယံ နှုန်းထားမြင့်တဲ့အပြင် ပြည်သူတွေအနေနဲ့ သိရှိမှုနည်းပါး နေသေးတာကြောင့် ကျန်းမာရေးအာမခံဝယ်ယူသူ တစ်ထောင်ကျော်သာရှိတဲ့အတွက် နည်းပါးနေတယ်လို့ သိရပါတယ်။ ဒါ့ကြောင့် စီမံကိန်းနှင့်ဘဏ္ဍာရေးဝန်ကြီးဌာန၊ အာမခံလုပ်ငန်းအဖွဲ့ရဲ့လမ်းညွှန်ချက်အရ အခြေခံကျန်းမာရေး လိုအပ်ချက် များကို သက်သာတဲ့ ပရီမီယံနှုန်းထားတွေနဲ့ အခြေခံလူတန်းစားပြည်သူများ ကျယ်ကျယ်ပြန့်ပြန့် ၀ယ်ယူနိုင်ဖို့အတွက်  ကျန်းမာရေးအာမခံ အမျိုးအစားအသစ်(၃)မျိုးကို ထပ်မံရေးဆွဲခဲ့တာဖြစ်တယ်လို့ မြန်မာနိုင်ငံအာမခံအသင်းမှ ဥက္ကဋ္ဌ ဒေါက်တာစန္ဒာဦးက ပြောပါတယ်။ 

ကျန်းမာရေးအာမခံအမျိုးအစားအသစ်(၃)မျိုးမှာအာမခံထားရှိသူတွေကို အသက်(၆)နှစ်မှ (၇၅)နှစ် အထိသတ်မှတ်ထားပြီး အာမခံအကာအကွယ်တွေနဲ့ အကျိုးခံစားခွင့်တွေကိုတော့ ၀ယ်ယူထားတဲ့အာမခံအမျိုးအစားအလိုက်ရရှိမှာဖြစ်ပြီး အာမခံသက်တမ်းကိုတော့ ပရီမီယံနှုန်းထားပေးသွင်းပြီး နေ့မှစပြီး (၁)နှစ်အတွင်းအကျုံးဝင်တယ်လို့ သိရပါတယ်။ကျန်းမာရေးအာမခံအမျိုးအစားအသစ်(၃)မျိုးဖြစ်တဲ့ လူထုအခြေပြုကျန်းမာရေးစောင့်ရှောက်မှုအာမခံ၊ ပြင်းထန်သောရောဂါ ကုသမှုအာမခံ၊ ကျန်းမာရေးအာမခံတွေကို လာမယ့်ဖေဖော်ဝါရီလ(၁)ရက်မှစပြီး အာမခံကိုယ်စားလှယ်လုပ်ငန်း လုပ်ကိုင်ခွင့်လိုင်စင်ရှိတဲ့ ကုမ္ပဏီတွေမှာဝယ်ယူနိုင်မှာဖြစ်တယ်လို့သိရပါတယ်။
 

Related News