လူမှုကူညီကယ်ဆယ်ရေးအဖွဲ့(ရန်ကုန်)မှကြီးမှူးပြီး နည်းပညာတက္ကသိုလ်(မှော်ဘီ)မှာ အရေးပေါ်အသက်ကယ်ဆယ်ရေးနှင့်ကျန်းမာရေးစောင့်ရှောက်မှု သင်တန်းအမှတ်စဉ်(၁/၂၀၁၉)သင်တန်းကို ဖေဖော်ဝါရီလ(၁)ရက်က ရန်ကုန်မြို့၊ နည်းပညာတက္ကသိုလ်(မှော်ဘီ)မှာ ကျင်းပပြုလုပ်ခဲ့ ပါတယ်။

နည်းပညာတက္ကသိုလ်(မှော်ဘီ)လူမှုကူညီကယ်ဆယ်ရေးအဖွဲ့ မှ(ရန်ကုန်တိုင်း)ကြီးမှူးပြီးကျင်းပဖွင့်လှစ်တဲ့ လူမှုကူညီကယ်ဆယ်ရေးအဖွဲ့ချုပ်(YRO)မှအရေးပေါ်အသက်ကယ်ဆယ်ရေးနှင့် ကျန်းမာရေးစောင့်ရှောက်မှု သင်တန်းကိုပြုလုပ်တာက   အဖွဲ့အစည်းတွေ ကျောင်းသားတွေကို  အသိပညာပေးချင်တဲ့အတွက် အခုလိုပြုလုပ်တာဖြစ်တယ်လို့သိရပါတယ်။ အရေးပေါ်အသက်ကယ်ဆယ်ရေးနှင့် ကျန်းမာရေးစောင့်ရှောက်မှုသင်တန်းမှာ တော့ရန်ကုန်တုိင်းဒေသကြီးမှာရှိတဲ့ လူမှုကယ်ဆယ်ရေးအသင်းများ ၊ ရှင်သန်ကယ်ဆယ်ရေးပရဟိတအသင်း ၊  ထာဝရအလင်းတန်းပရဟိတအသင်း ၊ ပြည်ပပရဟိတ အဖွဲ့ အစည်းများ ၊ နည်းပညာတက္ကသိုလ်(မှော်ဘီ)က ကျောင်းသား/သူများ ၊ ကင်းထောက်လူငယ်များ စုစုပေါင်းအယောက်(၈၀)ခန့်တက်ရောက်ခဲ့ကြပါတယ်။

အရေးပေါ်အသက်ကယ်ဆယ်ရေးနှင့်ကျန်းမာရေးစောင့်ရှောက်မှုသင်တန်းမှာသင်ကြားပေးတဲ့ သင်တန်းတွေ့ ကတော့အခြေခံနည်းစနစ်များ ၊ လူနာသယ်ဆောင်နည်းများ ၊ အရေးပေါ်အသက်ကယ်ဆယ်ရေး(၆)ချက်နှင့်ဇီဝလက္ခဏာများ ၊ လက်တွေ့ လုပ်ဆောင်နည်းများ ၊ အရိုးကျိုးခြင်းနှင့်စည်းခြင်း ၊ သွေးထွက်ခြင်းနှင့်သွေးလန့် ခြင်းများ စတဲ့သင်တန်းတွေကို သင်ကြားပေးသွားမှာဖြစ်ပါတယ်။

နည်းပညာတက္ကသိုလ်(မှော်ဘီ) လူမှုကူညီကယ်ဆယ်ရေးအဖွဲ့ (ရန်ကုန်တိုင်း)မှကြီးမှူးပြီး ဖွင့်လှစ်တဲ့ လူမှုကူညီ ကယ်ဆယ်ရေးအဖွဲ့ချုပ်(YRO)မှ သင်ကြားပို့ချတဲ့  ပထမဦးဆုံးအကြိမ်သင်တန်းကိုတော့ ဖေဖော်ဝါရီလ(၁)ရက်မှ(၅)ရက် အထိသင်ကြားပေးနေတာဖြစ်ပြီး ဖေဖော်ဝါရီလ(၆)ရက် မှာတော့ လက်တွေ့စာမေးပွဲစစ်ဆေးခြင်းများ နှင့်သင်တန်းဆင်းလက်မှတ်များကို ပေးအပ်ချီးမြှင့်သွားမှာလည်းဖြစ်ပါတယ်။ ရန်ကုန်တိုင်းလူမှုကူညီကယ်ဆယ်ရေးအသင်းကိုတော့(၂၀၁၆)ခုနှစ်ကစတင်တည်ထောင်ခဲ့တာလည်းဖြစ်ပါတယ်။

 

 

Related News