ဇီဝိတဒါနသံဃာ့ဆေးရုံကြီး(ရန်ကုန်)ကို မျက်စိဝေဒနာရှင်တွေ လာရောက်ကုသမှုခံယူရာမှာ ယခင်ထက် လာရောက် ကုသမှုများပြားလာ တယ်လို့ သိရပါတယ်။ဇီဝိတဒါနသံဃာ့ဆေးရုံကြီး(ရန်ကုန်)ကို အနယ်နယ်အရပ်ရပ်က မျက်စိဝေဒနာရှင်တွေ လာရောက်ကုသမှုခံယူလျက်ရှိပြီး အရင်ကထက်  လာရောက်ကုသမှုများပြားလာတယ်လို့သိရပါတယ်။ ဇီဝိတဒါနသံဃာ့ဆေးရုံကြီး (ရန်ကုန်)မှာတော့  သံဃာတော်၊ သီလရှင်၊ လူပုဂ္ဂိုလ်တို့အတွက် ပြင်ပ လူနာဌာန(၃)ခု သီးခြားဖွင့်လှစ်ထားတဲ့အပြင် အထူးကုပြင်ပလူနာဌာနကိုလည်း ဖွင့်လှစ်ထားရှိပေးထားတာဖြစ်ပါတယ်။ ဇီဝိတဒါနသံဃာ့ ဆေးရုံကြီးမှာ အစိုးရရုံးဖွင့်ရက်တွေမှာ မနက်(၈)နာရီကနေ နေ့ လည်(၁၂)နာရီအထိ နေ့ လည်(၁)နာရီကနေ ညနေ(၄)နာရီအထိ ကုသပေးနေတယ်လို့ သိရပါတယ်။

ဇီဝိတဒါနသံဃာ့ဆေးရုံကြီး (ရန်ကုန်) လူပုဂ္ဂိုလ်ပြင်ပလူနာဌာနကို လူမျိုးမရွေး၊ ဘာသာမရွေး မည်သူမဆို လာရောက်ပြသနိုင်ပြီး ဆေးမှတ်တမ်းစာအုပ်အတွက် အလှူငွေ(၁၀၀)ကျပ် ပေးလှူရတယ်လို့သိရပါတယ်။ ဒါ့အပြင် အထူးကုဆရာဝန်များနဲ့ ပြသလိုပါကလည်း ဆေးမှတ်တမ်းစာအုပ်အတွက် အလှူငွေ(၁၀၀)ကျပ်အပြင်  ဆေးရုံကို အလှူငွေကျပ်(၅၀၀)ထပ်မံလှူဒါန်းရတယ်လို့ သိရပါတယ်။ ဆရာဝန် များက အခမဲ့စမ်းသပ်ပေးပြီး သာမန်ရောဂါများအတွက် လိုအပ်တဲ့ ဆေးဝါးများကို ရောဂါပျောက်တဲ့အထိ အခမဲ့လှူဒါန်းပေးတာ ဖြစ်တယ်လို့ လည်း သိရပါတယ်။

ဇီဝိတဒါနသံဃာ့ဆေးရုံကြီး(ရန်ကုန်) မျက်စိအထူးကုပြင်ပလူနာဌာနမှာတော့ တနင်္လာနေ့ကနေ စနေနေ့အထိ လူနာတွေကို စမ်းသပ်ပေး လျက်ရှိပြီး တနင်္လာ၊ ဗုဒ္ဓဟူး၊ စနေ(၃)ရက်ကိုတော့ မျက်စိခွဲစိတ်ကုသပေးလျက်ရှိတယ်လို့ သိရပါတယ်။ သံဃာတော်၊ သီလရှင်များကိုတော့ ကုသိုလ်ဖြစ် ခွဲစိတ်ကုသပေးခြင်း၊ မျက်ကပ်မှန်ထည့်ပေးခြင်းများ ပြုလုပ်ပေးတဲ့အပြင် အကြောင်းအမျိုးမျိုးကြောင့် မျက်စိပျက်စီးပါက ခေတ်မှီ မျက်စိအတုတပ်ဆင်ပေးမှုတွေကိုပါ ဆောင်ရွက်ပေးလျက်ရှိတယ်လို့ သိရပါတယ်။

ဇီဝိတဒါနသံဃာ့ဆေးရုံကြီး(ရန်ကုန်)မှာ မျက်စိစမ်းသပ်ခွဲစိတ်ကုသပေးမှုတွေအပြင်၊ သွားနှင့်ခံတွင်းရောဂါများ၊ အထွေထွေရောဂါများကို မည်သူမဆို ကုသိုလ်ဖြစ် အခမဲ့ကုသပေးမှုပေးလျက်ရှိပြီး အဆုတ်ရောဂါ (တီဘီ)ဝေဒနာရှင်များကို အစိုးရမဟုတ်သော အဖွဲ့အစည်းများရဲ့ ထောက်ပံ့ကူညီမှုနဲ့ ကုသပေးပါတယ်။ ဒါ့အပြင် သံဃာတော်များ၊ သီလရှင်များကို ကျောက်ကပ်သွေးသန့်စင် ကုသပေးတဲ့ လုပ်ငန်းတွေကိုလည်း ဆောင်ရွက်ပေးလျှက်ရှိတယ်လို့ သိရပါတယ်။

 

 

Related News