သောတပြည့်စုံစီမံချက်နဲ့ မွေးရာပါနားမကြားသည့် ကလေးအယောက်(၁၀၀)ကို အောင်မြင်စွာအခမဲ့ခွဲစိတ်ပြီးစီးခဲ့ပြီ ဖြစ်တယ်လို့ သောတပြည့်စုံစီမံချက် ဥက္ကဋ္ဌ ပါမောက္ခဒေါက်တာဦးစိုးတင့်ရဲ့ပြောကြားချက်အရသိရပါတယ်။ဝိတိုရိယဆေးရုံ ကျန်းမာရေးထောက်ပံ့ကူညီစောင့်ရှောက်မှုဖောင်ဒေးရှင်းရဲ့ စီမံချက်တစ်ခုဖြစ်တဲ့ သောတပြည့်စုံစီမံချက်နဲ့ လက်ရှိမှာ မွေးရာပါ နားမကြားကလေးအယောက်(၁၀၀)ကို အခမဲ့ခွဲစိတ်ကုသမှုပြုလုပ်နိုင်ခဲ့ပြီ ဖြစ်တယ်လို့သိရပါတယ်။ သောတပြည့်စုံစီမံချက်မှာ မွေးရာပါ နားအကြားအာရုံချို့ယွင်းခြင်း၊ မွေးဖွားပြီး အကြောင်းတစ်ခုခုကြောင့် နားမကြားသဖြင့် စကားမပြောနိုင်တဲ့ ခြောက်နှစ်အောက် ကလေးငယ်တွေကို အတွင်း နားအကြား အာရုံနှိုးဆွစက်ကို ခွဲစိတ်တက်ဆင်ပေးပြီး အကြားအာရုံပြန်လည်ရရှိကာ စကားပြောတတ်လာတဲ့အထိ သင်ကြားတာတွေကိုလုပ်ဆောင်ပေးနေတာဖြစ်တယ်လို့သိရပါတယ်။

မွေးရာပါ နားမကြားကလေးတွေကို ကုသရာမှာ ကုသမှုက အပြင်ပိုင်းနဲ့ အတွင်းပိုင်းနှစ်ပိုင်းရှိတယ်လို့သိရပါတယ်။ ကုသမှုအတွင်းပိုင်းဟာ နားအနောက်အရိုးအား ခွဲစိတ်ကာ စက်ထည့်သွင်းပြီး ကုသမှုအပြင်ပိုင်းဟာ နားအနောက်ပိုင်းမှာ ကပ်ထားရတဲ့ အသံစုဆောင်းတဲ့ ကိရိယာတပ်ဆင်ပေးတာဖြစ်တယ်လို့သိရပါတယ်။ သောတပြည့်စုံစီမံချက် မှာ အခမဲ့ကုသပေးဖို့ ရွေးချယ်ရာမှာ အသက်(၁)နှစ်ပြည့်ပြီး ခြောက်နှစ်မွေးနေ့မတိုင်ခင်အတွင်းဖြစ်ပြီး သို့မှသာ စကားပြောပြန်လည်သင်ကြားဖို့ လွယ်ကူမှာဖြစ်တယ်လို့သိရပါတယ်။

အသံမဲ့ကမ္ဘာဆိုးမှ ကလေးငယ်များကို ကယ်တင်ဖို့အတွက် ဆရာဝန်ကြီးများကခွဲစိတ်ကုသခ၊ အခြေခံလိုအပ်တဲ့ စစ်ဆေးခများ၊ အခြေခံလိုအပ်တဲ့ ဆေးဝါးများအားလုံး၊ စကားပြောသင်ကြားမှုစတာတွေကို ၀ိတိုရိယဆေးရုံ၊ ကျန်းမာရေးကူညီထောက်ပံ့ရေးဖောင်ဒေးရှင်း ၊ သောတပြည့်စုံစီမံချက်က အခမဲ့ ဆောင်ရွက်ပေးနေတာဖြစ်တယ်လို့သိရပါတယ်။ အဆိုပါသောတပြည့်စုံစီမံချက် ကို အလှူငွေလှူဒါန်းလိုသူများအနေနဲ့  ဖုန်း - ၀၁-၉၆၆၆၁၄၁၊ ၀၁ - ၉၆၆၆၁၃၅ တို့ ဆက်သွယ်လှူဒါန်းနိုင်တယ်လို့သိရပါတယ်။

 

 

Related News