မြန်မာနိုင်ငံဆရာဝန်အသင်း၊အစာအိမ်၊အူလမ်းကြောင်းနှင့်အသည်းရောဂါဖောင်ဒေးရှင်း(မြန်မာ)နဲ့ Social Welfare Association (Lashioလားရှိုး)တို့ပူးပေါင်းပြီး ကမ္ဘာ့အစာအိမ်၊အူလမ်းကြောင်းနေ့နဲ့ ကမ္ဘာ့အသည်းရောင်အသားဝါနေ့ကိုဂုဏ်ပြုတဲ့ အနေနဲ့ CME ကျန်းမာရေးဟောပြောပွဲနဲ့ အခမဲ့ ဘီပိုး၊စီပိုးစစ်ဆေးပေးမှုကို ဧပြီလ(၂)ရက်နဲ့(၃)ရက်က ပြုလုပ်ပေးခဲ့ပါတယ်။ အခုလို ဆောင်ရွက်ပေးရာမှာ ဧပြီလ(၂)ရက်မှာ လားရှိုးမြို့၊အောင်ဆေးရုံမှာ အစာအိမ်၊အူလမ်းကြောင်းလူနာ(၁၁)ဦးကို အစာအိမ်မှန်ပြောင်းကြည့်ရှုပေးခဲ့တယ်လို့သိရပါတယ်။

ဧပြီလ(၃)ရက်မှာတော့ ကျန်းမာရေးဟောပြောခြင်း၊အခမဲ့ ဘီပိုး၊စီပိုးစစ်ဆေးပေးခြင်း၊ ဘီပိုးကာကွယ်ဆေး(ပထမအကြိမ်)အခမဲ့ထိုးပေးခြင်းအခမ်းအနားကို  လားရှိုးမြို့ မြို့တော်ခန်းမနဲ့ မြန်မာနိုင်ငံဆရာဝန်အသင်း (လားရှိုး)တို့မှာ ကျင်းပခဲ့တာဖြစ်ပါတယ်။ကျန်းမာရေးဟောပြောပွဲမှာတော့  ကင်ဆာရောဂါကာကွယ်ခြင်းအကြောင်းနဲ့ အသည်းရောင်အသားဝါရောဂါအကြောင်းတို့ကို ဟောပြောဆွေးနွေးခဲ့တာဖြစ်ပါတယ်။ကျန်းမာရေးဟောပြောပွဲနဲ့အတူ ပြည်သူလူထု(၁၁၀)ဦးကို အသည်းရောင်အသားဝါဘီပိုး ၊စီပိုး၊ရှိ/မရှိအခမဲ့စစ်ဆေးပေးခြင်း၊ ဘီပိုးကာကွယ်ဆေးအခမဲ့ထိုးနှံပေးခြင်းများ ပြုလုပ်ပေးခဲ့တယ်လို့သိရပါတယ်။ အခမ်းအနားကို ဒေသခံပြည်သူ (၄၀၀)ခန့်တက်ရောက်ခဲ့ပြီး ပြည်သူတွေသိလိုတဲ့ ကျန်းမာရေးဆိုင်ရာ အကြောင်းအရာတွေကို ဆရာဝန်ကြီးများမှ ပြန်လည်ဆွေးနွေးခဲ့ကြတာဖြစ်ပါတယ်။ ဒါ့အပြင် အစာအိမ်၊အူလမ်းကြောင်းနှင့် အသည်းရောဂါဖောင်ဒေးရှင်း (မြန်မာ)အတွက် အလှူငွေပေးအပ်ခြင်းအစီအစဉ်ကိုလည်း ထည့်သွင်းပြုလုပ်ခဲ့တယ်လို့သိရပါတယ်။

 

 

Related News