မြန်မာနိုင်ငံဆေးပညာအသင်း(ဗဟို)က ကြီးမှူးကျင်းပတဲ့ စဉ်ဆက်မပျက်ဆေးပညာပြန့်ပွားရေးအစီအစဉ် တစ်ရပ်အနေနဲ့ အပူရှိန် လွန်ကဲခြင်းကြောင့် ကျန်းမာရေးထိခိုက်နိုင်ခြင်း ဆေးပညာဟောပြောပွဲကို မေလ(၅)ရက်က ရန်ကုန်မြို့ မင်္ဂလာတောင်ညွှန့်မြို့နယ်ရှိ မြန်မာနိုင်ငံဆရာဝန်အသင်း၊ ခန်းမဆောင်(အေ)မှာ ပြုလုပ်ခဲ့တာဖြစ်ပါတယ်။ အခုလို နွေရာသီအချိန်ကာလမှာ အပူရှိန်လွန်ကဲတာကြောင့် ကလေးငယ်များ၊ လူကြီး၊ လူငယ်၊ လူလတ်များအနေနဲ့ အပူရှိန်နဲ့ ပတ်သက်ပြီး ဆောင်ရန်ရှောင်တွေကို သိရှိစေဖို့၊ ပူပြင်းနဲ့ ရာသီမှာနေထိုင်ပုံ၊ စားသောက်ပုံတွေကို သိရှိစေဖို့အပြင် အခြားသော ဆေးပညာနဲ့ သက်ဆိုင်တဲ့ နည်းပညာ၊ ဗဟုသုတတွေရရှိစေဖို့ ရည်ရွယ်ပြီး ဟောပြောပေးခဲ့တာဖြစ်ပါတယ်။

အပူရှိန်လွန်ကဲခြင်းကြောင့် ကျန်းမာရေးထိခိုက်နိုင်ခြင်းဆိုင်ရာ ဆေးပညာဟောပြောပွဲမှာ ရာသီဥတုအပူရှိန်နဲ့ ပတ်သက်တဲ့ အကြောင်းအရာတွေ၊ ကိုယ်တွင်းအပူကြောင့်ဖြစ်တတ်တဲ့ အကြောင်းအရာတွေ စတာတွေအပြင် အခုလိုနွေရာသီ အပူရှိန်ကြောင့် ဖြစ်တတ်တဲ့ ရောဂါအကြောင်းအရာတွေကို သက်ဆိုင်ရာ ဂုဏ်ထူးဆောင်ပါမောက္ခ ဆရာဝန်တွေက ဟောပြောပေးခဲ့တာ ဖြစ်ပါတယ်။

မြန်မာနိုင်ငံဆေးပညာအသင်း(ဗဟို)အနေနဲ့ ပြည်သူတွေကျန်းမာရေးနဲ့ ပတ်သက်ပြီး အသိပညာဗဟုသုတတိုးပွားစေဖို့အပြင် နောင်လာမယ့် မျိုးဆက်သစ်ဆရာဝန်လောင်းတွေအတွက် ဆေးပညာတိုးပွားလာစေဖို့  အခုလိုကျန်းမာရေးနဲ့ ပတ်သက်တဲ့ ဟောပြောပွဲတွေကို ပြုလုပ်ပေးသွားမှာဖြစ်တယ်လို့ သိရပါတယ်။

 

 

Related News