အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ လူမှုဖူလုံရေးအာမခံ အလုပ်သမားတွေ ကျန်းမာရေးစောင့်ရှောက်မှု အတွက် ပုဂ္ဂလိကဆေးရုံတွေမှာ အတွင်းလူနာအဆင့် ထိကုသပေးနိုင်ဖို့ ဆောင်ရွက်နေတယ်လို့သိရပါတယ်။ အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ လူမှုဖူလုံရေးအာမခံ အလုပ်သမားတွေ ရုံးချိန်ပြင်ပကျန်းမာရေးစောင့်ရှောက်မှုအတွက် ပြင်ပလူနာဝန်ဆောင်မှုကို ပုဂ္ဂလိကဆေးရုံ၊ဆေးခန်း တွေနဲ့ပူးပေါင်းပြီး ပြုလုပ်နေတာဖြစ်ပါတယ်။ လူမှုဖူလုံရေး အာမခံအလုပ်သမားတွေ ကျန်းမာရေးစောင့်ရှောက်မှုအတွက် ပုဂ္ဂလိက ဆေးရုံတွေနဲ့ချိတ်ဆက်ပြီး ပြင်ပလူနာဝန်ဆောင်မှု (PPS)စနစ်ကို ရန်ကုန်တိုင်းဒေသကြီးအပြင် နေပြည်တော်၊ မြစ်ကြီးနား ၊ တောင်ကြီး၊ မြိတ် နဲ့ မန္တလေးတိုင်းဒေသကြီးတို့မှာ လက်ရှိဆောင်ရွက်ပေးနေတာဖြစ်ပါတယ်။

ဒါ့အပြင်  PPS စနစ်နဲ့ ချိတ်ဆက်ထားတဲ့ပုဂ္ဂလိကဆေးရုံတွေမှာ အတွင်းလူနာအဆင့်ထိ ကုသပေးနိုင်ဖို့ ဆောင်ရွက်နေပြီလို့လည်း သိရပါတယ်။လူမှုဖူလုံရေးအာမခံအလုပ်သမားတွေ ရုံးချိန်ပြင်ပကျန်းမာရေးစောင့်ရှောက်မှုအတွက် ပုဂ္ဂလိကဆေးရုံတွေနဲ့ ပူးပေါင်းဆောင်ရွက်တာဟာ အာမခံ အလုပ်သမားတွေအနေနဲ့  ပြင်ပလူနာဆေးကုသမှုတွေမှာ သတ်မှတ်ထားတဲ့ မြို့နယ်တွေအတွင်း ကျန်းမာရေးစောင့်ရှောက်မှု တွေကို ယခင်ကထက် အလွယ်တကူ လက်လှမ်းမီ ကုသနိုင်စေဖို့အတွက် ရည်ရွယ်ပြုလုပ်တာဖြစ်တယ်လို့သိရပါတယ်။ဒါ့အပြင် အာမခံအလုပ်သမားတွေကိုအတွင်း လူနာအထိကုသပေးရာမှာ  နာတာရှည်ရောဂါများ၊ ကျောက်ကပ်ရောဂါ၊ မီးဖွားခြင်း စတာတွေ ပါဝင်သွားမယ်လို့သိရပါတယ်။လူမှုဖူလုံရေးအာမခံအလုပ်သမားတွေရဲ့ ကျန်းမာရေးစောင့်ရှောက်မှုကို အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့အနေနဲ့ အဖွဲ့ပိုင်ဆေးရုံကြီး (၃)ရုံ၊ မြို့နယ်ဆေးခန်း (၉၆) ခန်း၊ ဌာနကြီးဆေးခန်း (၅၆) ခန်း၊ ကဲဝဲလ်ဆေးခန်း (၄) ခန်း၊ တိုင်းရင်းဆေးကုခန်း (၁) ခန်း၊ ရွေ့လျားဆေးကုသယာဉ် (၂) စီး၊ PPS စနစ်ဆေးခန်း(၇)ခန်းတို့နဲ့ ၀န်ဆောင်မှုပေးနေတယ်လို့သိရပါတယ်။

 

 

Related News