လှည်းကူးပြည်သူ့ဆေးရုံမှာ စနစ်တကျနဲ့ လူနာများကို အမျိုးအစားခွဲကာ ကုသနိုင်တော့မည်လို့ လှည်းကူးမြို့နယ်၊ ပြည်သူ့ဆေးရုံ၊ မြို့နယ်ကုသရေးဦးစီးဌာနမှူးက မေလ(၂၆)ရက်က ပြုလုပ်ခဲ့တဲ့ လှည်းကူးပြည်သူ့ဆေးရုံ နှစ်ထပ်လူနာ ဆောင်သစ်လွှဲပြောင်းပေးအပ်တဲ့ အခမ်းအနားက သိရပါတယ်။လှည်းကူးမြို့နယ်ဟာ ရန်ကုန်-မန္တလေး အမြန်လမ်းသစ်နှင့်လမ်းဟောင်းဆုံရာ(၀)မိုင်မှာ တည်ရှိတာဖြစ်ပါတယ်။ ယာဉ်မတော်တဆမှုနဲ့ အရေးပေါ်လူနာများ များပြားပြီး ပဲခူး-မော်လမြိုင်-ထားဝယ်-မြိတ်မှ လွှဲပြောင်းလိုက်တဲ့ အရေးပေါ်လူနာများအတွက်  လမ်းခရီးမှာ ကုသမှုဝင်ရောက်ဆောင်ရွက်လေ့ရှိတဲ့ ဆေးရုံတစ်ရုံလည်းဖြစ်ပါတယ်။ ဒီဆေးရုံမှာ နေစဉ်နဲ့အမျှ မွေးလူနာများအပြင် ယာဉ်မတော်တဆမှု လူနာများပြားတယ်လို့ သိရပါတယ်။ ဒါ့အပြင် လှည်းကူးပြည်သူ့ဆေးရုံမှာ Korea Foundation of International Health အဖွဲ့အစည်းက ကလေးလာရောက် မွေးဖွားတဲ့မိခင်တစ်ဦးကို ငွေကျပ်နှစ်သောင်းခွဲခန့်တန်ဖိုးရှိတဲ့ မိခင်နှင့်ကလေးအသုံးအဆောင်ပစ္စည်းဘူးတစ်ဘူးနဲ့ လမ်းစရိတ်တစ်သောင်းတို့ကို  ထောက်ပံ့ပေးနေတာဖြစ်ပါတယ်။

နောက်ပိုင်းမှာတော့ နှစ်ထပ်လူနာဆောင်သစ် ဆောက်လုပ်လိုက်ပြီဖြစ်တဲ့အတွက် လူနာများကို စနစ်တကျနဲ့ အမျိုးအစားခွဲကုသနိုင်တော့မှာဖြစ်တယ်လို့ သိရပါတယ်။လှည်းကူးပြည်သူ့ဆေးရုံကို (၁၉၈၀)ခုနှစ်မှာ စတင်ဖွင့်လှစ်ခဲ့တာဖြစ်ပြီး စတင်ဖွင့်လှစ်ချိန်က(၂၅)ခုတင်ဆံ့ ဆေးရုံအဆောက်အဦဖြစ်တယ်လို့ သိရပါတယ်။ (၂၀၁၂)ခုနှစ်မှာ (၂၅)ခုတင်ဆံ့ဆေးရုံမှ ခုတင်(၅၀)ဆံ့ ဆေးရုံအဖြစ် အဆင့်တိုးမြှင့်ခဲ့သော်လည်း အဆောက်အဦမှာ (၂၅)ခုတင်ဆံ့ အဆောက်အဦဖြင့်သာ ကျန်းမာရေးစောင့်ရှောက်မှု ပေးနေခဲ့ခြင်းဖြစ်တယ်လို့ သိရပါတယ်။ လူနာဆောင်(၂)ထပ်သာ ရှိတဲ့အတွက် မွေးဖွားလူနာ၊ ကလေးလူနာ၊ ခွဲစိတ်ကုသပြီးလူနာ၊ ကူးစက်ရောဂါ၊ ရာဇ၀တ်မှုလူနာတွေကို စနစ်တကျ သီးသန့်ခွဲခြားထားနိုင်ခြင်းမရှိဘဲ အဆင်ပြေသလို ကုသနေရတာဖြစ်တယ်လို့ သိရပါတယ်။လှည်းကူးပြည်သူ့ဆေးရုံကို နိုင်ငံတော်က (၆)လတစ်ကြိမ်လိုအပ်တဲ့ ဆေးဝါးများကိုထောက်ပံ့ ပေးနေတယ်လို့ သိရပါတယ်။

 

 

Related News