အလှူရှင်များမှ လှူဒါန်းလာတဲ့ သွေးနှင့်သွေးပစ္စည်းများကို သယ်ဆောင်၊ ပြင်ဆင်၊ သိုလှောင် ဖြန့်ဖြူးတဲ့ အဆင့်ဆင့်ရဲ့ အရည်အသွေးကို ထိန်းသိမ်းနိုင်ဖို့အတွက် ဂျပန်နိုင်ငံရဲ့ နည်းပညာပံ့ပိုးပေးသည့် အခမ်းအနားကို မေလ(၃၁)ရက်က ရန်ကုန်မြို့ အမျိုးသားသွေးဌာနမှာ ပြုလုပ်ခဲ့ပါတယ်။နည်းပညာအရ အမျိုးသားသွေးဌာနမှာ စမ်းသပ် စစ်ဆေးပေးနေတဲ့ စစ်ဆေးမှုများမှာ ရောဂါပိုးဝင်ပြီး (၄)ရက်အကြာမှာ တွေ့နိုင်တဲ့ အထိ အသုံးပြုနိုင်အောင် နိုင်ငံတော်မှ သွေးအလှူရှင်တစ်ဦးအတွက် ငွေကျပ် (၂၅၀၀၀)ခန့် ကျခံ အသုံးပြုပေးနေတယ်လို့သိရပါတယ်။ အမျိုးသားသွေးဌာနအနေနဲ့ လက်ရှိမှာ စမ်းသပ်စစ်ဆေးမှုများအတွက် နည်းပညာပြည့်စုံနေပါသော်လည်း သွေးနှင့်သွေးပစ္စည်းများ ပြင်ဆင်သိုလှောင်ဖြန့်ဖြူးရာမှာ အရည်အသွေးပြည့်မီရေးကို ဆောင်ရွက်ဖို့လိုအပ်နေတဲ့ အတွက် ယခု Project မှာ အမျိုးသားသွေးဌာနမှ ဖြန့်ဖြူးပေးတဲ့ ဆေးရုံများမှာ သိမ်းဆည်းတဲ့အဆင့်ထိ အပူချိန်ထိန်းသိမ်းမှုစနစ်များကို ဆောင်ရွက်နိုင်တဲ့ နည်းပညာဖြစ်တယ်လို့သိရပါတယ်။

ဒီနည်းပညာကို JICA (မြန်မာ) နှင့် Diado ကုမ္ပဏီ တို့က ထောက်ပံ့ကူညီပေးထားတာဖြစ်ပါတယ်။ သွေးနှင့်သွေးပစ္စည်းများကို ထိရောက်တဲ့ ကုသမှုဖြစ်စေဖို့ သွေးပစ္စည်းတစ်ယူနစ်ချင်းစီရဲ့ လိုအပ်တဲ့ အပူချိန်ကို စဉ်ဆက်မပြတ်ထိန်းသိမ်းနိုင်ဖို့ အလွန်အရေးကြီးတယ်လို့ သိရပါတယ်။ ဒီလို အပူချိန် ထိန်းသိမ်းမှု စနစ်ချို့ယွင်းခဲ့ပါက ကုသမှု မထိရောက်တဲ့အပြင် သွေးပစ္စည်းများဟာ ရောဂါပိုးကူးစက်ပေါက်ဖွားဖို့ အလွန်လွယ်ကူတဲ့အတွက် လူကို အသက်အန္တရာယ်ကိုပါ ထိခိုက်စေနိုင်တယ်လို့ သိရပါတယ်။(၂၀၁၈)ခုနှစ်အတွင်းမှာ နိုင်ငံတစ်ဝှမ်းလုံးအသုံးပြုမယ့် သွေးနှင့်သွေးပစ္စည်းများကို သွေးအလှူရှင်စုစုပေါင်း (၄၃၈၃၄၆)ဦးထောက်ပံ့ပေးခဲ့ပြီး (၇၂.၀၄)ရာခိုင်နှုန်းမှာ စေတနာရှင်သွေးအလှူရှင်များ ဖြစ်တယ်လို့ သိရပါတယ်။

 

 

Related News