ရန်ကုန်တစ်တိုင်းလုံးက ဆရာဆရာမတွေ၊ မြို့နယ်ပညာရေးမှူးတွေ၊ မြို့နယ်ကျန်းမာရေးမှူးတွေကို ဖိတ်ခေါ်ပြီး ရန်ကုန်တိုင်းဒေသကြီး၊ ပြည်သူ့ကျန်းမာရေးဦးစီးဌာနမှာ တိုင်းဒေသကြီးအဆင့် ကျောင်းကျန်းမာရေးနှင့် ဆယ်ကျော်သက် ကျန်းမာရေးပညာပေး ဆင့်ပွားသင်တန်းပြုလုပ်ခဲ့ပါတယ်။ပြီးခဲ့တဲ့ (၂၀၁၈) ခုနှစ်က ထုတ်ဝေဖြန့်ချိထားတဲ့ ကျောင်းကျန်းမာရေးလက်စွဲစာအုပ်မှာ ပါဝင်တဲ့ အချက်အလက်တွေကို ယခုသင်တန်းမှာ မျှဝေဆွေးနွေးတာပဲဖြစ်ပါတယ်။ ဒီသင်တန်းကို ဇွန်လ (၉) ရက်နဲ့ (၁၀) ရက်တွေမှာပြုလုပ်ခဲ့တာဖြစ်ပြီး အရှေ့ပိုင်းခရိုင်၊ မြောက်ပိုင်းခရိုင်၊ တောင်ပိုင်းခရိုင်နဲ့ အနောက်ပိုင်းခရိုင်တို့မှ သက်ဆိုင်ရာ မြို့နယ်ပညာရေးမှူးတွေ၊ ကျန်းမာရေးမှူးတွေ၊ မိခင်နှင့်ကလေးအဖွဲ့ဝင်တွေ၊ ဆရာဆရာမတွေကို ဖိတ်ခေါ်ဆွေးနွေးခဲ့တာပါ။

ကျောင်းကျန်းမာရေးလက်စွဲစာအုပ်မှာ ပါဝင်တဲ့ ကျောင်းပတ်ဝန်းကျင်သန့်ရှင်းရေး၊ ရောဂါကာကွယ်ရေး၊ ကျန်းမာရေးစောင့်ရှောက်မှုတွေပေးနိုင်ရေးတို့ကို မျှဝေဆွေးနွေးခဲ့ကြတာဖြစ်ပါတယ်။ တိုင်းဒေသကြီးအဆင့်သင်တန်းမှာ တက်ရောက်သင်ကြားခဲ့ရသူတွေက မြို့နယ်အဆင့်ဆင့် သင်တန်းတွေထပ်ပေးသွားမှာဖြစ်ပြီး ကျောင်းကျန်းမာရေးဆိုင်ရာအချက်အလက်တွေကို ကျောင်းသားကျောင်းသူတွေ လက်ထဲရောက်ရှိအောင် လုပ်ဆောင်မယ်လို့သိရပါတယ်။ကျောင်းကျန်းမာရေးနဲ့ဆယ်ကျော်သက်ကျန်းမာရေးပညာပေးသင်တန်းတွေကို ရန်ကုန်တိုင်းဒေသကြီး ၊ ပြည်သူ့ကျန်းမာရေးဦးစီးဌာနမှာ နှစ်စဉ်ပြုလုပ်နေကျဖြစ်ပြီး ယခုနှစ်မှာတော့ တိုင်းဒေသကြီးအဆင့်အနေနဲ့ တစ်နိုင်ငံလုံးမှာ ပထမဆုံးအကြိမ် ပြုလုပ်ခဲ့တာဖြစ်ပါတယ်။

 

 

Related News