ရန်ကုန်အနောက်ပိုင်းတက္ကသိုလ်ရဲ့ (၁၇)ကြိမ်မြောက် ကျောင်းသား/ကျောင်းသူတွေရဲ့ စုပေါင်းသွေးလှူဒါန်းပွဲကို ဇူလိုင်လ (၂၆)ရက်က ပြုလုပ်ခဲ့ပါတယ်။ ရန်ကုန်အနောက်ပိုင်းတက္ကသိုလ်ရဲ့ (၁၇)ကြိမ်မြောက် စုပေါင်းသွေးလှူဒါန်းပွဲကို ကျောင်းသား/ကျောင်းသူတွေအနေနဲ့ မိမိတို့ရဲ့သွေးနဲ့အကူအညီလိုအပ်နေတဲ့သူတွေကို ကူညီပေးနိုင်စေရန် ရည်ရွယ်ချက်နဲ့တက္ကသိုလ်ကြက်ခြေနီ အသင်းခွဲမှ ဦးစီးကျင်းပတာဖြစ်ပြီး အမျိုးသားသွေးဌာန၊ ကြက်ခြေနီအသင်းမှ အသင်းသူ /အသင်းသားတွေက ပံ့ပိုးကူညီခဲ့တာဖြစ်ပါတယ်။ သွေးလှူဒါန်းပွဲမှာတော့ အနောက်ပိုင်းတက္ကသိုလ် မေဂျာ(၁၄)ခုမှ ကျောင်းသား/ ကျောင်းသူ တစ်ထောင်ဝန်းကျင်က သွေးလှူဒါန်းခဲ့တာဖြစ်ပါတယ်။

ဒါ့အပြင် အမျိုးသားသွေးဌာနမှ တာဝန်ရှိသူတွေက သွေးလှူဒါန်းမယ့်ကျောင်းသား/ကျောင်းသူတွေကို လိုအပ်တဲ့ ကျန်းမာရေး စစ်ဆေးပေးတာတွေ၊လှူဒါန်းပြီးတဲ့သွေးတွေကို သွေးအမျိုးအစားခွဲတာတွေနဲ့ ဓာတ်ခွဲစစ်ဆေးတာတွေကို ပြုလုပ်သွားမှာ ဖြစ်ပါတယ်။လက်ရှိမှာတော့ ဆေးရုံတွေမှာ လာရောက်ပြီး ဆေးကုသတဲ့ အရေအတွက်ကများပြားလာတဲ့အတွက် အခုလို အဖွဲ့အစည်းတွေ၊တက္ကသိုလ်တွေမှ သွေးလှူဒါန်းတာဟာ တစ်ဖက်တစ်လမ်းမှ အညီအကူရရှိတယ်လို့သိရပါတယ်။

သွေးလှူဒါန်းလိုတဲ့ ကျောင်းသား/ကျောင်းသူတွေထဲကမှ ကျန်းမာရေးကောင်းမွန်တဲ့ ကျောင်းသား/ကျောင်းသူတွေကို ရွေးချယ်ခဲ့တာဖြစ်ပြီး ကျောင်းသား/ကျောင်းသူတွေအနေနဲ့ မူးဝေတာတွေဖြစ်ပေါ်ခဲ့ရင်လည်း ကြက်ခြေနီတွေထားရှိပြီး ပြုစုစောင့်ရှောက်ပေးတယ်လို့ သိရပါတယ်။ရန်ကုန်အနောက်ပိုင်းတက္ကသိုလ်မှ အခုလိုသွေးလှူဒါန်းမှုတွေကို နှစ်စဉ်နှစ်တိုင်းပြုလုပ်နေတာဖြစ်ပြီး တစ်နှစ်ထက်တစ်နှစ် သွေးလှူဒါန်းတဲ့ ကျောင်းသား/ကျောင်းသူအရေအတွက် ပိုမိုများပြားလာတယ်လို့ သိရပါတယ်။

 

 

Related News