ရန်ကုန်တိုင်းဒေသကြီး၊ ရွှေပြည်သာမြို့နယ်မှာ လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြန်လည် ထူထောင် ရေး ဦးစီးဌာနမှ လူကုန်ကူးခံရသူများယာယီစောင့်ရှောက်ရေးဂေဟာဆောက်လုပ်နေတယ်လို့ သိရပါတယ်။ 

လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေးဦးစီးဌာနမှ လူကုန်ကူးခံရသူများကို  ပြန်လည်လက်ခံရေး ၊ ပြန်လည်ဝင်ဆံ့ရေးနှင့် ပြန်လည်ထူထောင်ရေးလုပ်ငန်းအဖွဲ့ကို တာဝန်ယူဆောင်ရွက်လျက်ရှိတယ်လို့သိရပါတယ်။ လူကုန်ကူးခံရသူများကိုကယ်ဆယ်ပြီးပါက ယာယီစောင့်ရှောက်ရန်နေရာလိုအပ်တာကြောင့်  မြန်မာတစ်နိုင်ငံလုံးမှာလူကုန်ကူးခံရသူများ ယာယီ စောင့်ရှောက်ရေး ဂေဟာကို မန္တလေး၊ မူဆယ်၊ ကော့သောင်း နှင့် မြဝတီစတဲ့မြို့နယ်(၄) ခုမှာဆောက်လုပ်ထားပြီး ယခုရန်ကုန်တိုင်းဒေသကြီး၊ ရွှေပြည်သာမြို့နယ်မှာ ဆောက်လုပ်တဲ့ဂေဟာက (၅)ခုမြောက်ဂေဟာ ဖြစ်ပါတယ်လို့သိရပါတယ်။လူကုန်ကူးခံရ သူများထဲမှာ အမျိုးသမီးများ သာမက အမျိုးသားများလည်း ပါဝင်ပြီး မလေးရှား၊ အင်ဒိုနီးရှား၊ ထိုင်းနိုင်ငံများမှ မြန်မာရေလုပ်သားများ လူကုန်ကူး ခံရသူများကို လေကြောင်းဖြင့် ပြန်လည်လက်ခံရခြင်းများလည်းရှိပြီး ယာယီစောင့်ရှောက်ဖို့ရန်ကုန်တိုင်းဒေသကြီးမှာ နေရာလိုအပ်တာကြောင့်အခုလို ယာယီစောင့်ရှောက်ရေးဂေဟာ ဆောက်လုပ်တာဖြစ်တယ် လို့သိရပါတယ်။

လူကုန်ကူးခံရသူတွေကို ယာယီစောင့်ရှောက်ရေးဂေဟာမှာစောင့်ရှောက်စဉ်ကာလအတွင်း လူကုန်ကူးခံရသူတွေရဲ့စိတ်ပိုင်း၊ ရုပ်ပိုင်း၊ စားဝတ်နေရေးတွေကို တာဝန်ယူစောင့်ရှောက်ပေးပြီး မိသားစုထံအမြန်ဆုံးပြန်လည်ပို့ဆောင်ပေးတယ်လို့ သိရပါတယ်။ မိသားစုထံ ပြန်ရောက်ပါက နောက်ဆက်တွဲစောင့်ရှောက်မှုအနေနဲ့ (၂)ပတ်ထပ်မံစောင့်ရှောက်မှုပေးသွားမှာဖြစ်ပြီး လိုအပ်တာတွေကို ကူညီထောက်ပံ့ ပေးတယ်လို့ သိရပါတယ်။

ရန်ကုန်တိုင်းဒေသကြီး၊ ရွှေပြည်သာမြို့နယ်မှာဆောက်လုပ်နေတဲ့ လူကုန်ကူးခံရသူများယာယီစောင့်ရှောက်ရေးဂေဟာရဲ့ မြေနေရာကို ရန်ကုန်တိုင်းဒေသကြီးအစိုးရအဖွဲ့ကစီစဉ်ပေးတာဖြစ်ပြီး ပေ(၃၀၀)ပတ်လည်ရှိတယ်လို့သိရပါတယ်။ ပထမဦးဆုံးအနေနဲ့ (၄၃)ပေ၊ ပေ(၁၀၀)အကျယ်ရှိတဲ့ အဆောက်အဦးတစ်လုံးကိုတည်ဆောက်မှာဖြစ်ပြီး အဆောက်အဦး ရဲ့ကုန်ကျငွေကတော့ ကျပ်(၉၃.၉)သန်း ကုန်ကျမယ်လို့သိရပါတယ်။အဆောက်အဦးကိုယခု (၂၀၁၈-၂၀၁၉)ဘဏ္ဍာနှစ်အတွင်းအပြီးတည်ဆောက်သွားမယ်လို့ သိရပါတယ်။

 

 

 

 

Related News