မြန်မာနိုင်ငံအမျိုးသားလူ့အခွင့်အရေးကော်မရှင်အနေနဲ့ ကုလသမ္မဂ္ဂရဲ့ ကမ္ဘာ့လူ့အခွင့်အရေး ကြေငြာစာတမ်းကို ကရင်ဘာသာသုံးမျိုးဖြစ်တဲ့ ပိုး(အရှေ့) ၊ ပိုး (အနောက်) နဲ့ စကောကရင် ဘာသာတွေနဲ့ ဘာသာပြန်ကာ ဇန်န၀ါရီ ၆ရက်ကစပြီး ထုတ်ဝေဖြန့်ချီလိုက်ပါပြီ။ ဒီဘာသာ ပြန်စာအုပ်တွေအတွက် ၆လကျော်အချိန်ယူခဲ့ရတယ်လို့ သိရပါတယ်။မြန်မာနိုင်ငံအမျိုးသား လူ့အခွင့်အရေးကော်မရှင်အနေနဲ့ ၂၀၁၃ ခုနှစ်အတွင်း ကမ္ဘာ့ လူ့အခွင့်အရေး ကြေငြာစာတမ်းကို အင်္ဂလိပ်ဘာသာကနေ မြန်မာဘာသာပြန်ဆို ထုတ်ဝေခဲ့သလို ၂၀၁၅မှာလည်း ကချင်၊မွန်၊ရှမ်း ဘာသာတွေနဲ့ ထုတ်ဝေခဲ့ပြီးဖြစ်ပါတယ်။

လက်ရှိမှာ စကောကရင် ဘာသာစကားနဲ့ စာအုပ်ငါးထောင်၊ ပိုးကရင်ဘာသာစကား နှစ်မျိုးနဲ့ စာအုပ်၅ထောင် စုစုပေါင်း စာအုပ်တစ်သောင်းကို ထုတ်ဝေလိုက်တာဖြစ်ပြီး ကရင်တိုင်းရင်းသားရေးရာဝန်ကြီးနဲ့ ကရင်စာပေနှင့် ယဉ်ကျေးမှုအဖွဲ့တွေကနေတဆင့် ကရင်လူမျိုးတွေထံ ပေးပို့သွားမှာဖြစ်ပါတယ်။အခုလိုစာအုပ်ထုတ်ဝေတာတွေအပြင် မြန်မာနိုင်ငံအမျိုးသားလူ့အခွင့်အရေးကော်မရှင်အနေနဲ့ အခုလပိုင်းအတွင်းမှာပဲ တိုင်းရင်းသား ဒေသတွေကို သွားရောက်ကာ လူ့အခွင့်အရေးဆိုင်ရာ ကိစ္စရပ်တွေကို အသိပညာပေးတာတွေပြုလုပ်သွားမယ်လို့ သိရပါတယ်။ 

Related News