တရားမ၀င်အလှကုန်တင်သွင်းရောင်းချသူတွေနဲ့ အွန်လိုင်းပေါ်ကနေ တရားမ၀င်တင်သွင်း ရောင်းချသူတွေကို ကုန်အမှတ်တံဆိပ်ဆိုင်ရာမူပိုင်ခွင့်ဥပဒေပြဌာန်းပြီးချိန်ရောက်ရင် ထိထိရောက်ရောက်အရေးယူလာနိုင်လိမ့်မယ်လို့ မြန်မာနိုင်ငံအလှကုန်အသင်းက ဥပဒေအကြံပေးကပြောပါတယ်။

ဈေးကွက်အတွင်းမှာရောင်းချနေတဲ့ အလှကုန် ပစ္စည်းအတုအပနဲ့ တရားဝင်တင်သွင်းခွင့်မရပဲ ရောင်းချနေမှုတွေနဲ့ ပတ်သတ်လို့ ဟောပြောပွဲကို ဇန်န၀ါရီ(၅)ရက်က လှိုင်မြို့နယ်က MICT Park မှာ ပြုလုပ်ခဲ့ပါတယ်။ ဒီဟောပြောပွဲကိုတော့ မြန်မာနိုင်ငံအလှကုန်အသင်းက ဥပဒေအကြံပေး အရာရှိ ဦးသိန်းအောင်က ဟောပြောခဲ့တာ ဖြစ်ပါတယ်။

လက်ရှိမှာတော့ ပြည်တွင်းကိုတရားဝင်တင်သွင်းတဲ့အလှကုန်ပစ္စည်းတွေထက် တရားမ၀င် တင်သွင်းတဲ့ အလှကုန်ပစ္စည်း အရေအတွက်က ရာခိုင်နှုန်းပိုများနေတယ်လို့ မြန်မာနိုင်ငံ အလှကုန် အသင်းက ပြောပါတယ်။ ကုန်ပစ္စည်းအမှတ်တံဆိပ်ဆိုင်ရာ ဥပဒေပြဌာန်းပြီးချိန်မှာတော့  တရားမ၀င်တင်သွင်း ရောင်းချမှုတွေကို ထိထိရောက်ရောက်ထိန်းချုပ်နိုင်မှာဖြစ်သလို အလှကုန်ရောင်းချသူတွေအတွက် အကာအကွယ်ပေးနိုင်မှုတွေရှိလာနိုင်မယ်လို့ မြန်မာနိုင်ငံ အလှကုန်အသင်းဥက္ကဋ္ဌကပြောပါတယ်။ ကုန်အမှတ်တံဆိပ်ဆိုင်ရာမူပိုင်ခွင့်ဥပဒေ ဖေဖော်ဝါရီလမှာ  အသက်ဝင်ကျင့်သုံးလာနိုင်မယ်လို့ သိရပါတယ်။

 

 

Related News