ပြည်တွင်းမှာ နိုင်ငံခြားကလာတဲ့ အလှပန်းတွေထိုးဖောက်ဝင်ရောက်နေတဲ့အတွက် မြန်မာနိုင်ငံရဲ့ အလှပန်းဈေးကွက်ဟာ ပြည်တွင်းမှာတောင် ဈေးကွက်မယှဉ်နိုင်သေးဘူးလို့ ပန်းစိုက်ပျိုးသူတွေနဲ့ ရောင်းချသူတွေကပြောပါတယ်။အလှပန်း၊ ဘုရားပန်းအိုးထိုး တာတွေကို  ပြည်တွင်းမှာစိုက်ပျိုးထားတဲ့ ပန်းတွေထက် ပိုမိုကြာရှည်ခံတဲ့ ပြည်ပက၀င်လာတဲ့ အလှပန်းတွေကို အားထားဝယ်ယူကြတယ်လို့ သိရပါတယ်။

ဒါတွေဟာ ပြည်တွင်းမှာ စိုက်ပျိုးတဲ့ အလှပန်းအမျိုးအစားအရေအတွက် နည်းနေသေးတာရယ်၊ အရည်အသွေးပိုင်းမမီတာတွေနဲ့ စိုက်ပျိုးထုတ်လုပ်သူတွေအနေနဲ့ အရင်းအနှီးနည်းတာတွေကြောင့် ဖြစ်ပြီး ထိုင်း၊ ဗီယက်နမ်၊ တရုတ်စတဲ့ အိမ်နီးချင်းနိုင်ငံတွေနဲ့ယှဉ်ရင်  ပြည်တွင်း ဈေးကွက်ကိုတောင် မယှဉ်နိုင်သေးဘူးလို့ သိရပါတယ်။

မြန်မာနိုင်ငံရဲ့ အလှပန်းဈေးကွက်ဟာ ပြည်တွင်းသာမက ပြည်ပဈေးကွက်ကိုပါ ထိုးဖောက်နိုင်ဖို့ အတွက် လက်ရှိလိုအပ်နေတဲ့ အခြေအနေတွေကိုတော့ စိုက်ပျိုးရေးဦးစီးဌာနရဲ့ ဦးစီးအရာရှိတစ်ဦးက အခုလိုပြောပါတယ်။မြန်မာနိုင်ငံမှာ ဘုရားပန်းအတွက် သစ္စာပန်း၊ နှင်းဆီ၊ ဂန္ဓာမာ၊ မေမြို့ပန်းတွေကို အဓိက စိုက်ပျိုးပြီး လတ်တလောအိမ်နီးချင်းနိုင်ငံတွေက ၀င်ရောက်နေတဲ့ ပန်းအမျိုးအစားတွေကတော့ လီလီ၊ တရုတ်နှင်းဆီ၊ ကျားပါးစပ်၊ ကာနေးရှင်း စတဲ့ပန်းအမျိုးအစားတွေဖြစ်တယ်လို့သိရပါတယ်။

 

 

Related News