မြန်မာနိုင်ငံ ရွှေလုပ်ငန်းရှင်များအသင်းရဲ့ ၁၄ ကြိမ်မြောက် အသင်းသားစုံညီ  နှစ်ပတ်လည် အစည်းအဝေးကို ဇန်န၀ါရီလ(၈)ရက်က ရန်ကုန်မြို့ Panda Hotel  မှာ ကျင်းပသွားပါတယ်။ အစည်းဝေးမှာ အသင်းအနေနဲ့ ၂၀၁၆ ခုနှစ် အလုပ်အမှုဆောင်အဖွဲ့ရဲ့ အစီရင်ခံစာနဲ့ နှစ်ချုပ်ငွေစာရင်းရှင်းတမ်းတွေကို ရှင်းလင်းပါတယ်။ မြန်မာနိုင်ငံ ရွှေလုပ်ငန်းရှင်များအသင်းဟာ အသင်းရန်ပုံငွေကို ဗဟိုအလုပ်အမှုဆောင်၊ အလုပ်အမှုဆောင်တွေက ကိုယ်ထူကိုယ်ထ ထည့်ဝင်ကြသလို စေတနာရှင်အသင်းသူ၊ အသင်းသားတွေရဲ့ ထည့်ဝင်ငွေတွေ၊ နှစ်စဉ်ကြေး တွေနဲ့ လည်ပတ်နေတယ်လို့သိရပါတယ်။

ရွှေလုပ်ငန်းရှင်များအသင်းရဲ့ အသင်းဝင်ကြေးကိုပြီးခဲ့တဲ့နှစ် မတ်လကစပြီး ရွှေဆိုင်တွေ၊ ရွှေအရောင်းအ၀ယ်လုပ်သူတွေ၊  ရွှေသန့်စင်လုပ်ငန်းလုပ်ကိုင်သူတွေ၊ ရွှေတူးသတ်္တုတူးဖော်သူတွေ၊ ရွှေပန်းထိမ်လုပ်ငန်းရှင်တွေ၊ ရွှေနန်းဆွဲလုပ်ကိုင်သူတွေ၊  ရွှေဆောက်ဖြတ်လုပ်ငန်းလုပ်ကိုင်သူတွေ ကို  အသင်းဝင်ကြေးငွေကျပ် (၁)သိန်းနဲ့ နှစ်စဉ်ကြေး ငွေကျပ်(၃)သောင်းအဖြစ် သတ်မှတ် ထားတယ်လို့ သိရပါတယ်။မြန်မာနိုင်ငံရွှေလုပ်ငန်းရှင်များအသင်းကို ၂၀၁၂ ခုနှစ် နိုဝင်ဘာ ၂၇ ရက်က စတင် တည်ထောင်ခဲ့တာဖြစ်ပြီး၊ လက်ရှိမှာ  အသင်းဝင်စုစုပေါင်း  ၁၅၇၃ ဦး ရှိတယ်လို့သိရပါတယ်။

 

Related News