ပညာရေး၊ကျန်းမာရေးနဲ့ သဘာဝဘေးတွေအတွက်ထောက်ပံ့လှူဒါန်းမယ့်လိုတရစေတနာ ကမ်းလက်များဝဘ်ဆိုက်ကို မြန်မာ့ဆက်သွယ်ရေးလုပ်ငန်းက ဇန်န၀ါရီလ ၉ ရက်က စတင်မိတ်ဆက်လိုက်ပါတယ်။နွမ်းပါးကလေးငယ်များအတွက်ပညာရေးထောက်ပံ့မှုတွေအပါအ၀င် ဘိုးဘွားရိပ်သာတွေနဲ့ သဘာဝဘေးအန္တရာယ်ကာကွယ်စောင့်ရှောက်ရေးအတွက်လှူဒါန်းနိုင်မယ့်ဝဘ်ဆိုက်ကို မိတ်ဆက်ခဲ့ ပါတယ်။MPt သုံးစွဲသူတွေအနေနဲ့ helpinghands.foc.lotayamm.com    လို့ အမည်ပေးထားတဲ့ ဒီဝက်ဘ်ဆိုက်ကိုသုံးပြီး နိုင်ငံအတွင်းလိုအပ်ချက်ရှိနေသေးတဲ့ လူမှုအကျိုးပြုကဏ္ဍတွေအတွက် လှူဒါန်းနိုင်အောင်စီစဉ်ထားတာလို့ သိရပါတယ်။

လှူဒါန်းနိုင်မယ့် ကဏ္ဍအလိုက် အကြောင်းအရာတွေခွဲခြားထားသလို တစ်ဆင့်လှူဒါန်းပေးမဲ့ ပရဟိတအဖွဲ့တွေရဲ့လှုပ်ရှားမှုကိုလည်းဖော်ပြထားတယ်လို့ သိရပါတယ်။ ဒီအစီအစဉ်ကို ဖောင်တော်ဦးဘုန်းတော်ကြီးသင်ကျောင်း၊ နာရေးကူညီမှု အသင်း(ရန်ကုန်)၊ ရွှေပါရမီ ကျန်းမာရေးဖောင်ဒေးရှင်း၊ ဆည်းဆာရိပ် ဂိလာနဘိုးဘွားရိပ်သာ၊ ပြည်ကြီးခင်လူမှုရေးအသင်း၊ ရွှေမင်းသားဖောင်းဒေးရှင်း၊ လမ်းသစ်ဖောင်ဒေးရှင်း၊ သဘာဝတရားရိပ်သာ(သန်လျင်)၊ လူမှုဖွံ့ဖြိုးတိုးတက်ရေးအသင်းနှင့် ဂျပန်ငြိမ်းချမ်းရေးလေညှင်းလေးများ စတဲ အဖွဲ့အစည်း(၁၀)ဖွဲ့နဲ့ ဆောင်ရွက်သွားမှာ ဖြစ်တယ်လို့ သိရပါတယ်။အဆိုပါလှူဒါန်းမှုအစီအစဉ်ကို (၃)လမှ (၆)လအထိ ကန့်သတ်ထားပြီး လှူဒါန်းမှုမှရရှိတဲ့ အလှူငွေများကိုလည်း လိုတရ စေတနာကမ်းလက်များ Page  မှာ ကြေငြာပေးသွားမှာ ဖြစ်တယ်လို့ သိရပါတယ်။

Related News