ရေပြတ်လပ်တဲ့နေရာဒေသတွေကို နှစ်စဉ်ရေအကူအညီပေးဖို့ထက် တိကျတဲ့ ဘတ်ဂျက် တောင်းခံကာ လိုအပ်တဲ့ ရေရရှိဖို့ အစီအစဉ်ဆွဲလုပ်ဆောင်သွားမယ်လို့ မန်္တလေးတိုင်းဒေသကြီး ကျေးလက်ဒေသဖွံ့ဖြိုးတိုးတက်ရေးဌာန ညွှန်ကြားရေးမှူး ဦးမင်းဟန်က ပြောပါတယ်။ ပြီးခဲ့တဲ့နှစ်တုန်းက မန်္တလေးတိုင်းဒေသကြီးအတွင်း ရွာပေါင်း ၁၄၂ ရွာကို တိုင်းကျေးလက် ဒေသဖွံ့ဖြိုးတိုးတက်ရေးက ရေပေးဝေခဲ့ပြီး ဒီနှစ်နွေရာသီမှာတော့ ကျေးရွာပေါင်း ၁၆၅ ရွာ ရေပြတ်လပ်နိုင်ဖွယ်ရှိတယ်လို့ ခန့်မှန်းထားပါတယ်။ ဒီနှစ်မှာတော့ ရေတကယ်လိုအပ်တဲ့ ကျေးရွာတွေအတွက် သေချာသုံးသပ်တွက်ချက်ပြီး ၂၀၁၈-၂၀၁၉ ဘဏ္ဍာနှစ်မှာ တိကျတဲ့ ဘတ်ဂျက်တောင်းခံသွားမယ်လို့ သိရပါတယ်။

ဒီနှစ်နွေရာသီ ရေပြတ်လပ်မှုအခြေအနေအတွက် မြို့နယ်တစ်ခုခြင်းအနေနဲ့ ကျေးရွာတွေကို အဆက်အသွယ် မပြတ်ဘဲ ရေအချိန်မှီရရှိဖို့အတွက် လုပ်ဆောင်မယ်လို့ သိရပါတယ်။ ဒါပေမယ့် နှစ်စဉ်ရေပြတ်လပ်တတ်တဲ့ ကျေးရွာတွေအတွက် လိုအပ်တဲ့ရေရရှိမှုပုံစံအလိုက် ရေတွင်းနက်၊ ရေတွင်းတိမ်၊ စိမ့်စမ်းရေ၊ လက်ယက်တွင်းစတာတွေကို သေချာလေ့လာမှာဖြစ်ပြီး ရေရှည် အစီအစဉ်တွေ လုပ်ဆောင်ကာ အ၀ီစိတွင်းတွေတူးပေးသွားမယ်လို့ သိရပါတယ်။ ဒီလိုနှစ်စဉ်ရေပြတ်လပ်တဲ့ကျေးရွာတွေအတွက် ရေရရှိဖို့ရာရေရှည်အစီအစဉ်တွေလုပ်ဆောင်ဖို့ လာမယ့် မေလပြီးတာနဲ့ မန္တလေးတိုင်းအတွင်း ရေအခက်အခဲရှိတဲ့ ဒေသတွေ၊ အခြေအနေတွေကို သုံးသပ်ပြီး ၂၀၁၈-၂၀၁၉ ဘဏ္ဍာနှစ်မှာ ဘတ်ဂျက်ငွေတောင်းခံသွားမယ်လို့ သိရပါတယ်။

 

Related News