ရန်ကုန်မြို့တော်ရဲ့ နောက်ဖေးလမ်းကြားတွေ သာယာလှပဖို့အတွက် နံရံဆေးရေးပန်းချီတွေနဲ့ အိမ်နောက်ဖေးမှာ သီးပင်စားပင်တွေ စိုက်ပျိုးဖို့ ဒို့အိမ်အဖွဲ့က ဦးဆောင်ပြီး ပန်းဘဲတန်းမြို့နယ်   (၂၇)လမ်း၊နောက်ဖေးလမ်းကြားကိုစံပြအဖြစ် လုပ်ဆောင်ခဲ့ပါတယ်။အခုလိုနောက်ဖေးလမ်းကြားတွေ သာယာလှပဖို့လုပ်ဆောင်ရာမှာ ပြည်သူတွေရဲ့ပူးပေါင်းမှုတွေများစွာလိုအပ်နေသေးတယ်လို့ သိရပါတယ်။ နောက်ဖေးလမ်းကြားတွေ သာယာလှပပြီး ပြည်သူတွေအပန်းဖြေနိုင်တဲ့အထိ ဒို့အိမ်အဖွဲ့က ပန်းဘဲတန်းမြို့နယ် (၂၇) လမ်း နောက်ဖေးလမ်းကို စံပြလုပ်ဆောင်နိုင်ခဲ့ပါပြီ။ အိမ်နောက်ဖေး လမ်းကြားတွေထဲမှာ အိမ်နောက်ဖေး သီးပင် စားပင်အဖြစ် ချဉ်ပေါင်ပင်၊ နံနံပင်၊ ကြက်ဟင်း ခါးသီးပင်နဲ့ ပန်းအမျိုးစားအစုံအလင်ကို စိုက်ပျိုးထားပါတယ်။ဒါ့အပြင် ကလေးတွေ ပန်းချီရေးဆွဲနိုင်အောင် နံရံဆေးရေးပန်းချီရေးဆွဲနည်း တွေကိုထည့်သွင်းထားတယ်လို့ သိရပါတယ်။

ရန်ကုန်မြို့တော်စည်ပင်သာယာရေးကော်မတီကတော့မြို့တွင်း(၆)မြို့နယ်ရှိ နောက်ဖေးလမ်းကြားတွေကို အမှိုက်ကင်းစင်ရေးစီမံချက်နဲ့ ဆောင်ရွက်ပေးနေပေမယ့်အခုချိန်ထိ ပြည်သူတွေအမှိုက်စွန့်ပစ်ရာမှာ စည်းကမ်းလိုက်နာမှုအားနည်းနေတာကြောင့် အမှိုက်ရှင်းပြီးသားဖြစ်တဲ့ နောက်ဖေးလမ်းကြားတွေကို ပြန်လည်ရှင်းလင်းနေရတယ်လို့ပြောပါတယ်။ ပန်းဘဲတန်းမြို့နယ်နေပြည်သူတွေကတော့ ဒို့အိမ်အဖွဲ့က နောက်ဖေးလမ်းကြားမှာ အခုလို အလှဆင်ပြုလုပ်တာဟာ မြို့တော်အင်္ဂါရပ်နဲ့ညီသန့်ရှင်းလှပပေမယ့် ပြည်သူတွေပူးပေါင်းပါဝင်မှု လိုအပ်နေသေးတယ်လို့ ပြောပါတယ်။ ဒို့အိမ်အဖွဲ့က ပန်းဘဲတန်းမြို့နယ် (၂၇)လမ်းရဲ့ နောက်ဖေးလမ်းကြားမှာ အခုလိုပြုလုပ်ဖို့ အတွက် (၆)လအချိန်ယူခဲ့ရပြီးဒေါ်လာ(နှစ်ထောင်)ကုန်ကျခဲ့တယ်လို့သိရပါတယ်။ဒါ့အပြင် မြို့တွင်းက နောက်ဖေးလမ်းကြားတွေမှာလည်းအလှဆင်လိုသူများရှိပါက ဒို့အိမ်အဖွဲ့က ကူညီလုပ်ဆောင်ပေးသွားမယ်လို့ သိရပါတယ်။

 

Related News