ကမ္ဘာ့တစ်ဝှမ်းမှာ ကမ္ဘာ့စားသုံးသူအခွင့်အရေးများနေ့ ကျင်းပတာဟာ (၅၇)ကြိမ်ရှိနေပြီး မြန်မာနိုင်ငံမှာ ကျင်းပတာ(၅)ကြိမ်ရှိပြီလို့မတ်လ(၁၅)ရက်က မဟာဗန္ဓုလ ပန်းခြံမှာပြုလုပ်တဲ့ကမ္ဘာ့စားသုံးသူအခွင့်အရေးများနေ့ အခမ်းအနားမှ သိရပါတယ်။ကမ္ဘာ့စားသုံးသူအခွင့်အရေးများနေ့မှာတော့ မြန်မာနိုင်ငံ စားသုံးသူကာကွယ်ရေးအသင်းမှ ဦးဆောင်ပြီး ကျန်းမာရေးနဲ့ ပတ်သက်တဲ့ အသိပညာပေးပိုစတာတွေ၊ လက်ကမ်းစာစောင်တွေ၊ အစားအသောက်အန္တရာယ်နဲ့ပတ်သက်တဲ့ ပညာပေးသီချင်း၊ အကတွေနဲ့ ဖျော်ဖြေခဲ့ကြ ပါတယ်။ အစားအသောက်တွေနဲ့ ပတ်သက်တဲ့ ဟောပြောပွဲတွေကို ပြည်သူတွေသိရှိဖို့ ပြုလုပ်ခဲ့ပြီး စားသုံးရန်မသင့်တဲ့အစားအစာတွေနဲ့ ပတ်သက်လို့လည်း အခုလိုပြောခဲ့ပါတယ်။         

ကမ္ဘာ့စားသုံးသူအခွင့်အရေးများနေ့ အခမ်းအနားတွေကို နှစ်စဉ်ခန်းမများငှားပြီး ပြုလုပ်ခဲ့တာဖြစ်တဲ့အတွက် ပြည်သူတွေမှာထိရောက်တဲ့ ကျန်းမာရေးအသိပညာတွေ မရရှိခဲ့တာကြောင့် ဒီနှစ်မှာတော့ အများပြည်သူပိုင်နေရာမဟာဗန္ဓုလ ပန်းခြံမှာပြုလုပ်ခဲ့တဲ့အတွက် ပြည်သူတွေကြားမှာ အသိပညာတိုးပွားအောင်ဆောင်ရွက်ပေးနိုင်ခဲ့တယ်လို့ သိရပါတယ်။ မြန်မာနိုင်ငံစားသုံးသူကွယ်ရေးအသင်းအနေနဲ့ နောက်ပိုင်းမှာကမ္ဘာ့ဆေးလိပ်မသောက်ရေးနေ့နဲ့သဘာဝပတ်ဝန်းကျင်ထိန်းသိမ်းရေးနေ့တွေကိုလည်း ပြည်သူတွေကျယ်ကျယ်ပြန့်ပြန့် သိရှိအောင်ကျင်းပသွားမယ်လို့ သိရပါတယ်။ 

 

 

Related News