အများပြည်သူတွေဗဟုသုတအနေနဲ့ လေ့လာလည်ပတ်နိုင်မယ့် သဘာဝအော်ဂဲနစ်စနစ်သုံး ဆေးဝါးစိုက်ခင်းကို ပြင်ဦးလွင်ဟိုတယ်ဇုန်လုပ်ငန်းတွေနဲ့ ချိတ်ဆက်ပြီး နိုင်ငံခြားခရီးသွားဧည့်သည်တွေလည်ပတ်ကြည့်ရှုနိုင်ဖို့ လုပ်ဆောင်နေပါတယ်။ ပြင်ဦးလွင်အနီးစခန်းနားက ကျွဲနားထောက်ကျေးရွာမှာ သဘာဝ အော်ဂဲနစ်စနစ်အသုံး ပြုပြီး မြန်မာ့ဆေးဖက်ဝင်အပင်အမျိုးအစားပေါင်း ၈၅ မျိုးကျော်ကို လယ်ဧက ၄၅ ဧကမှာ စိုက်ပျိုးထားတဲ့ Fame Organic Farming ရှိပါတယ်။ ဒီသဘာဝအော်ဂဲနစ်ဆေးဝါးစိုက်ခင်းတွေမှာ သဘာဝ ပတ်ဝန်းကျင်ကို လေ့လာကြည့်ရှုနိုင်ဖို့နဲ့ မြန်မာ့ဆေးဖက်ဝင်အပင်တွေကို လေ့လာနိုင်ဖို့အတွက် ရည်ရွယ်ပြီးပြည်တွင်းပြည်ပခရီးသွားဧည့်သည်တွေအတွက် ပြီးခဲ့တဲ့ဖေဖော်ဝါရီလကစတင်ပြီး လေ့လာခွင့်ပြုခဲ့ပါတယ်။

ဝင်ကြေးကိုတော့ ကျောင်းသားကျောင်းသူနဲ့ကလေးတွေအတွက် ငွေကျပ်၃၀၀၀ နဲ့လူကြီး ၅၀၀၀ကျပ် သတ်မှတ်ထားတယ်လို့ သိရပါတယ်။ ဒီအော်ဂဲနစ်ဆေးဝါးစိုက်ခင်းကိုလေ့လာခွင့်ပြုခဲ့တဲ့ ဖေဖော်ဝါရီလအတွင်းမှာပွဲ ပြည်ပခရီးသည် ၁၀ဦးအပါအ၀င်ပြည်တွင်းပြည်ပခရီးသည်စုစုပေါင်း(၁၂၂) ဦးလာရောက်လေ့လာခဲ့ကြတယ်လို့ သိရပါတယ်။ ဒါ့အပြင် ပြင်ဦးလွင်ဟိုတယ် ဇုန်အဖွဲ့တွေနဲ့ချိတ်ဆက်ပြီး နိုင်ငံခြားခရီးသည်တွေ လည်ပတ်စရာ တစ်နေရာအဖြစ်လေ့လာနိုင်ဖို့ လုပ်ဆောင်နေကြတယ်လို့ သိရပါတယ်။

၂၀၀၃ခုနှစ်ကတည်း သဘာဝအော်ဂဲနစ်ဆေးဝါးစိုက်ခင်းအဖြစ် Fame ဆေးဝါးထုတ်လုပ်ရေးကနေ စတင်အကောင်အထည်ဖော်ဆောင်ရွက်ခဲ့တာဖြစ်ပြီး ဆေးဝါးစက်ရုံအဖြစ်ကုန်ကြမ်း ထုတ်လုပ်ဖို့အဓိကရည်ရွယ်ခဲ့တာ လည်းဖြစ်ပါတယ်။ လက်ရှိမှာတော့ သဘာဝအတိုင်းစိုက်ပျိုးထားတဲ့ မြန်မာ့ဆေးဝါး တွေရဲ့အလေ့အထတွေ၊ ဂုဏ်သတိတွေ၊ စိုက်ပျိုးနည်းတွေကိုလိုက်လံရှင်းလင်းပြသပြီး အပန်းဖြေသူတွေအတွက်လည်း အဆောက်အအုံတွေကိုဆောက်လုပ်နေတယ်လို့ သိရပါတယ်။

 

 

Related News