ရေကြည်တစ်ပေါက် ပရဟိတနှင့်လူမှုရေးအသင်း(အင်းစိန်) ရဲ့ ၄ နှစ်မြောက်နှစ်ပတ်လည် ညီလာခံနဲ့ အသင်းရုံးခန်းဖွင့်ပွဲကို မတ်လ ၁၉ ရက်က အင်းစိန်မြို့နယ် ရွာမအနောက်ရပ်ကွက် ပညာရာမိကဆရာတော်ကြီးကျောင်းတိုက်အတွင်းရှိ အသင်းရုံးခန်းမှာ ပြုလုပ်ခဲ့ပါတယ်။ ရေကြည်တစ်ပေါက်အသင်းဟာ ပညာရေးဆိုင်ရာအဆောက်အဦများလှူဒါန်းခြင်း၊ ရေဘေးသင့်ပြည်သူတွေကိုပြန်လည်ထူထောင်ရေးလုပ်ငန်းတွေလုပ်ဆောင်ခြင်းနဲ့ ရေရှားပါးတဲ့ ဒေသတွေမှာ သောက်သုံးရေသွားရောက်လှူဒါန်းခြင်းစတာတွေကို လုပ်ဆောင်ပေးလျက်ရှိနေတာ ဖြစ်ပါတယ်။

ရေကြည်တစ်ပေါက်အသင်းကို ၂၀၁၃ ခုနှစ် ဖေဖော်ဝါရီလ ၆ ရက်ကစတင်တည်ထောင်ခဲ့တာ ဖြစ်ပြီး အခုဆိုရင်အသင်းဝင်ပေါင်း ကိုးထောင်ကျော်ရှိပြီဖြစ်တယ်လို့သိရပါတယ်။ ပရဟိတနဲ့ လူမှုကူညီရေးလုပ်ငန်းတွေကိုလုပ်ဆောင်ဖို့အတွက် အသင်းသားတွေဆီကနေ လစဉ် တစ်လ ကိုတစ်ထောင်ကျပ်ကောက်ခံနေတာဖြစ်တယ်လို့ သိရပါတယ်။ ရေကြည်တပေါက်အသင်းအနေနဲ့ အခုနှစ်နွေရာသီမှာ ရေရှားပါးတဲ့ဒေသတွေကို သွားရောက် ပြီး သောက်ရေလှူဒါန်းဖို့ စီစဉ်နေတယ်လို့လည်း သိရပါတယ်။

 

 

Related News