နေပြည်တော်မှာ ပထမဆုံးအကြိမ်အဖြစ် ဖွင့်လှစ်ပေးမဲ့ ငလိုက်စခန်းသာ ဆင်ထိန်းသိမ်းစောင့် ရှောက်ရေးစခန်းကို တရားဝင်ဖွင့်လှစ်ထားခြင်းမရှိသေးပေမဲ့ ပြည်သူတွေကိုတော့ စတင်လည်ပတ်ခွင့် ပြုနေပြီလို့ သိရပါတယ်။
ငလိုက်စခန်းသာ ဆင်ထိန်းသိမ်းစောင့်ရှောက်ရေးစခန်းကို သင်္ကြန်အပြီးမှသာ တရားဝင် ဖွင့်လှစ်နိုင်ဖို့ရည်မှန်းထားတာဖြစ်ပြီး သင်္ကြန်ကာလအတွင်းနေပြည်တော်ကို လာရောက်လည်ပတ်လို သူတွေအတွက် အပန်းဖြေနိုင်မဲ့နေရာတစ်ခုတိုးစေဖို့ စတင်ဝင်ရောက်ခွင့်ပြုလိုက်တာလို့ ဆင်ထိန်းသိမ်းစောင့် ရှောက်ရေးစခန်းမှ သိရပါတယ်။ 

ဆင်စခန်းမှာ ဆင်တွေကို ကိုယ်တိုင်ရေချိုးပေးနိုင်တာတွေ၊ အစာကျွေးနိုင်တာတွေ၊ ဆင်တွေရဲ့ တောထဲမှာ သဘာဝအတိုင်းနေထိုင်စားသောက်တာတွေကို လေ့လာကြည့်ရှုနိုင်ဖို့ လုပ်ဆောင်ပေးထားပြီး ဆင်ဝန်ထမ်းကျေးရွာမှာလဲ ဆင်ဝန်ထမ်းတွေရဲ့ နေထိုင်မူဘ၀ကို လဲကြည့်ရှုနိုင်အောင်စီစဉ် ထားတယ်လို့ သိရပါတယ်။ ဒါ့အပြင် လာရောက်သူတွေအနေနဲ့ နားနေနိုင်ဖို့ ဘန်ဂလိုငှားရမ်းတာတွေ၊ ငလိုက်ဆယ် အတွင်း စက်လှေစီးကြည့်ရှုနိုင်တာတွေကိုပါ လုပ်ဆောင်ထားတယ်လို့ သိရပါတယ်။

 ငလိုက်စခန်းသာ ဆင်ထိန်းသိမ်းစောင့်ရှောက်ရေးစခန်းကို ၀င်ကြေးအနေနဲ့ တစ်ဦးလျှင် တစ်ထောင်ကျပ်သတ်မှတ်ထားကာ ဆင်စီးခအဖြစ် တစ်ဦးလျှင်ငွေကျပ်၅ထောင်သတ်မှတ်ထား တယ်လို့သိရပါတယ်။ အခုဆင်ထိန်းသိမ်းစောက်ရှောက်ရေးစခန်းကို ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၂၁၇ မိုင်အနီးက ငလိုက်သစ်တောကြိုးဝိုင်းမှာဖွင့် လှစ်ထားတာဖြစ်ပြီး နေပြည်တော် (တောင်ပိုင်း) သစ်ထုတ်လုပ်ရေးဒေသက ဆင်ခုနှစ်ကောင်ကိုထားရှိကာ ပြည်သူတွေအနေနဲ့ ဆင်စီးကာ လည်ပတ် ကြည့်ရှုနိုင်ဖို့ စီစဉ်ထားတယ်လို့ သိရပါတယ်။

 

 

Related News