ရန်ကုန်မြို့တွင်းရှိ သင်္ကြန်မဏ္ဍပ် ၁၉ ခုရဲ့ ကြံ့ခိုင်မှုအခြေအနေကို ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာဌာန၊ အဆောက်အအုံက ဒီကနေ့ ဧပြီလ၁၁ရက်က လှည့်လည်စစ်ဆေးခဲ့ပါတယ်။  ရန်ကုန်မြို့တော်စည်ပင်သာယာရေး ကော်မတီ အင်ဂျင်နီယာဌာန၊ အဆောက်အအုံက ရန်ကုန်မြို့တွင်း သင်္ကြန်မဏ္ဍပ် ၁၉ ခုကို လှည့်လည်စစ်ဆေးခဲ့ရာ လိုအပ်တာတွေကို ဧပြီလ ၁၂ ရက်မှာ အမီလုပ်ဆောင်ဖို့ ညွှန်ကြားထားတယ်လို့ သိရပါတယ်။ သင်္ကြန်မဏ္ဍပ်တွေကို သစ်သား၊ သံဖရိန်တွေနဲ့ ဆောက်လုပ်ခွင့်ပြုထားပြီး ခွင့်ပြုထားတဲ့ မဏ္ဍပ်အရွယ်အစား၊  သတ်မှတ်ထားတဲ့ တိုင်လုံးရွယ်အစားရှိ၊ မရှိနဲ့ တိုင်လုံးနဲ့ ယက်မတွေရဲ့ကြံ့ခိုင်မှုကို အဓိက စစ်ဆေးခဲ့တာဖြစ်ပါတယ်။

သင်္ကြန်မဏ္ဍပ်တွေရဲ့ ကြံ့ခိုင်မှုအပြင် ရေကစားသူတွေ အန္တရာယ်မဖြစ်စေဖို့ လျှပ်စစ်သွယ်တန်း မှုအပိုင်း လုံခြုံစိတ်ချရအောင် ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းနဲ့ ပူးပေါင်း စစ်ဆေးသွားမှာ ဖြစ်ပါတယ်။ အလုံသင်္ကြန်မဏ္ဍပ်တာဝန်ခံကလည်း  ဒီလို လုံခြုံရေး အပိုင်းတင်း ကျပ်လာတာကို ကြိုဆိုတယ်လို့ ပြောပါတယ်။ ရန်ကုန်မြို့တွင်း သင်္ကြန်မဏ္ဍပ်တွေကို စည်းကမ်းချက် ၄၅ ချက်နဲ့ ဆောက်လုပ်ခွင့် ပြုခဲ့တာဖြစ်ပြီး မဏ္ဍပ်အကြီး ၁၁ ခုနဲ့ အလတ်စား ၈ ခု စုစုပေါင်း သင်္ကြန်မဏ္ဍပ် ၁၉ ခု ဆောက်လုပ်ထားတယ်လို့ သိရပါတယ်။

 

 

Related News