ပြီးခဲ့တဲ့ သင်္ကြန်ကာလအတွင်းမှာ ရန်ကုန်ဆေးရုံကြီးကို ရောက်လာခဲ့တဲ့ လူနာ တွေထဲမှာ ယာဉ်မတော်တဆမှုကြောင့် ရောက်လာသူတွေ ပိုမိုများပြားတယ်လို့ ရန်ကုန်ဆေးရုံကြီး အရေးပေါ်ဌာနမှ သိရပါတယ်။အခုနှစ်သင်္ကြန်ကာလအတွင်း ရောက်လာခဲ့တဲ့ လူနာတွေထဲမှာ ယာဉ်မတော်တဆဖြစ်မှုကြောင့် အများဆုံးဖြစ်တယ်လို့သိရပြီး သင်္ကြန်အကြိုနေ့ကနေ သင်္ကြန်အတက်နေ့အထိ လူနာ ၇၅၂ ဦး ရန်ကုန်ဆေးရုံကြီး အရေးပေါ်ဌာနကို ရောက်ရှိလာခဲ့တယ်လို့ ရန်ကုန်ဆေးရုံကြီး အရေးပေါ်ဌာနမှ လက်ထောက်ညွန်ကြားရေးမှူး ဒေါက်တာခင်သိင်္ဂီမြင့်က ပြောပါတယ်။

ယာဉ်ပေါ်မှာ မနိုင်ဝန်တင်ဆောင်ပြီး လမ်းချော်တာ အရက်သေစာ သောက်စားပြီး မောင်းနှင်တာနဲ့ ယာဉ်အချင်းချင်းပြိုင်မောင်းတာတွေကြောင့် မတော်တဆဖြစ်ပွားတာဖြစ်ပြီး ယခုနှစ်မှာ ထိခိုက်ဒဏ်ရာရရှိတဲ့ လူနာ(၇၅၂)ဦးမှာ ယာဉ်မတော်တဆမှုဖြစ်မှုကြောင့် ဆေးရုံရောက်ရှိ လာတဲ့ လူနာဟာ (၃၀၀)နီးပါးရှိတယ်လို့ သိရပါတယ်။ သင်္ကြန်ကာလအတွင်း ယာဉ်တိုက်မှုကြောင့် ရောက်ရှိလာတဲ့ လူနာမှာ သင်္ကြန်အကြိုနေ့မှာ (၇၁)ဦး၊ သင်္ကြန်အကျနေ့မှာ (၈၀)ဦး၊ သင်္ကြန်အကြတ်နေ့မှာ (၉၁)ဦးနဲ့ သင်္ကြန်အတက်နေ့မှာ (၄၇)ဦးရှိတယ်လို့ သိရပါတယ်။ သင်္ကြန်အကြတ်နေ့မှာ ယာဉ်တိုက်မှုအပါအ၀င် အခြား မတော်တဆမှု ဖြစ်ပွားခဲ့သူ (၂၂၄)ဦးရှိပြီး သင်္ကြန်ကာလ(၄)ရက်အတွင်း အကြတ်နေ့ဟာ မတော်တဆမှု အများဆုံးဖြစ်တယ်လို့ သိရပါတယ်။ 

Related News