ပြည်တွင်းမှာလုပ်ကိုင်နေတဲ့ ကယ်ဆယ်ရေးလုပ်ငန်းတွေရဲ့ အရေးပေါ်အခြေအနေတွေကို တုံ့ပြန်တဲ့ စွမ်းရည်မြှင့်တင်နိုင်ဖို့အတွက် ပဏာမအလုပ်ရုံဆွေးနွေးပွဲကို မေလ(၁၆)ရက်က ရန်ကုန်မြို့ Central Hotel  မှာပြုလုပ်ခဲ့ပါတယ်။ ဒီအလုပ်ရုံဆွေးနွေးပွဲကို အာရှဒေသ သဘာဝဘေးအန္တရာယ်ကြိုတင်ပြင်ဆင်ရေးစင်တာ (ADPC) နဲ့ ကယ်ဆယ်ရေးနှင့် ပြန်လည်နေရာချထားရေး ဦးစီးဌာနတို့က ပူးပေါင်း ဆောင်ရွက်တာ ပါ။ သဘာဝဘေးအန္တရာယ်တွေ့ကြုံတဲ့အချိန်မှာ ကယ်ဆယ်ရေးလုပ်ငန်းတွေကို အရေးပေါ် ဆောင်ရွက်နိုင်မှုကို စစ်တမ်းကောက်ယူမယ့်စီမံချက်ရဲ့ တစ်စိတ်တစ်ဒေသအနေနဲ့ ဒီအလုပ်ရုံ ဆွေးနွေးပွဲကိုပြုလုပ်တာဖြစ်တယ်လို့ သိရပါတယ်။ အာရှဒေသက သဘာဝ ဘေးအန္တရာယ် တွေ့ကြုံရလေ့ ရှိတဲ့နိုင်ငံတွေဖြစ်တဲ့ ကမ္ဘောဒီးယား၊ မြန်မာ၊ နီပေါ၊ ပါကစ္စတန်နဲ့ ဖိလစ်ပိုင်နိုင်ငံတွေ အပြင် သီရိလင်္ကာနိုင်ငံတို့မှာ အချက်အလက်တွေ ကောက်ခံသွားမှာ ဖြစ်တယ်လို့လည်း သိရပါတယ်။

မြန်မာနိုင်ငံက မကွေးတိုင်းဒေသကြီး၊ မန္တလေးတိုင်းဒေသကြီး၊ ဧရာဝတီတိုင်း ဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ကယားပြည်နယ်၊ ကရင်ပြည်နယ်၊ ရခိုင်ပြည်နယ်နဲ့ ချင်းပြည်နယ်စတဲ့ ပြည်နယ်နဲ့တိုင်းဒေသကြီး(၉)ခုရဲ့ ခရိုင်(၁၆)ခုမှာ စီမံချက်နဲ့ပတ်သက်တဲ့ အချက်အလက်တွေကို ကောက်ယူသွားမှာဖြစ်ပြီး Bill and Melida Gates ဖောင်ဒေးရှင်း ကဒီစီမံချက်အတွက် ငွေကြေးထောက်ပံ့ပေးတာလို့လည်း သိရပါတယ်။ဒီအစီရင်ခံစာရဲ့ရလဒ်တွေကို ကယ်ဆယ်ရေးနဲ့ပြန်လည်နေရာချထားရေးဦးစီးဌာနနဲ့ သက်ဆိုင်ရာ ဒေသတွေမှာ ရှိတဲ့ အရပ်ဖက်လူမှုအဖွဲ့အစည်းတွေကို ပေးပို့သွားမှာဖြစ်တယ်လို့လည်း သိရပါတယ်။ 

 

 

Related News