ပြည်တွင်းမှာရှိတဲ့ အမျိုးသမီးရပ်ကွက်နဲ့ကျေးရွာ အုပ်ချုပ်ရေးမှုးတွေကို လုပ်ငန်းတွေ ဆောင်ရွက်ရာမှာ အဆင်ပြေစေဖို့ စွမ်းရည်မြှင့်သင်တန်းတွေပေးအပ်ခဲ့တယ်လို့ သိရပါတယ်။အမျိုးသမီးရပ်ကွက်နဲ့ကျေးရွာ အုပ်ချုပ်ရေးမှုးတွေအတွက် စွမ်းရည်မြှင့်သင်တန်းကို နေပြည်တော်မှာရှိတဲ့ Kempinskiဟိုတယ်မှာ ပြုလုပ်ခဲ့တာဖြစ်ပါတယ်။ အထွေထွေအုပ်ချုပ်ရေး ဦးစီးဌာနနဲ့ နိုင်ငံတကာအဖွဲ့အစည်း တစ်ခုဖြစ်တဲ့ UNDP တို့ ပူးပေါင်းဆောင်ရွက် ခဲ့တာဖြစ်ပြီး မေလ၁၅ရက်ကနေ မေလ၂၁ရက် အထိ(၇)ရက်ကြာသင်ကြားပို့ချလျက်ရှိတယ်လို့ သိရပါတယ်။ အခုဆွေးနွေးပွဲကို တစ်နိုင်ငံလုံးမှာရှိတဲ့ ရပ်ကွက်နဲ့ကျေးရွာအုပ်ချုပ်ရေးမှူးပေါင်း(၈၈)ဦး ရှိတဲ့အနက်(၈၅)ဦးတက်ရောက်ကြပြီး သူတို့ရဲ့အတွေ့အကြုံတွေ၊အုပ်ချုပ်ရေးမှူးတစ်ယောက်ဖြစ်လာဖို့ ကြိုးစားခဲ့တာတွေ၊လက်ရှိရင်ဆိုင်နေရတဲ့ အခက်အခဲတွေနဲ့ပက်သက်ပြီး အပြန်အလှန်ဆွေးနွေးခဲ့ ကျတယ်လို့ သိရပါတယ်။ ဒါ့အပြင် ရပ်ကွက်နဲ့ကျေးရွာအမျိုးသမီးအုပ်ချုပ်ရေးမှူးတွေအနေနဲ့ ပြည်သူလူထုကို စည်းရုံးနိုင်မဲ့ နည်လမ်းတွေ အမျိုးသမီးတွေရဲ့အခန်းကဏ္ဍကို မြင့်တင်နိုင်မဲ့ နည်းလမ်းတွေအမျိုးသမီးတွေရဲ့ လုံခြုံရေးအတွက်ဆောင်ရွက်သင့်တာတွေကို သင်တန်းပေးခဲ့တယ်လို့ သိရပါတယ်။ အမျိုးသမီးရပ်ကွက်နဲ့ကျေးရွာအုပ်ချုပ်ရေးမှူးတွေအတွက် စွမ်းရည်မြှင့် သင်တန်းကို ပြီးခဲ့တဲ့၂၀၁၅ ဒီဇင်ဘာလက အမျိုးသမီးအုပ်ချုပ်ရေးမှုး (၄၂)ဦးကို ပြုလုပ်ပေးခဲ့တယ်လို့ သိရပါတယ်။

 

 

Related News