မြန်မာစာပေလောကမှာထင်ရှားကျော်ကြားတဲ့စာရေးဆရာဆရာမများနဲ့ဖွဲ့ စည်းတည်ထောင် တဲ့ မြန်မာစာရေးဆရာကလပ် ရှေ့ဆက်လုပ်ငန်းစဉ်များအတွက်သတင်းစာရှင်းလင်းပွဲကို မေလ၁၇ ရက်ကရန်ကုန်မြို့ Orchid Hotel  မှာပြုလုပ်ခဲ့ပါတယ်။ မြန်မာစာရေးဆရာကလပ်ကိုတော့ (၂၀၁၇)မေလ(၈)ရက် ကစတင်ဖွဲ့စည်းခဲ့တာပါ။ ဖွဲ့စည်းရာမှာ အနည်းဆုံးစာအုပ်(၅)အုပ် သို့မဟုတ် စာမူအစောင်ရေ(၁၅၀)ကျော်ထုတ်ဝေပြီးတဲ့ လူသိများထင်ရှားကျော်ကြားတဲ့ စာရေးဆရာများပါဝင်တဲ့ စာရေးဆရာအယောက်အယောက်(၅၀) ပါဝင်ဖွဲ့စည်းထားတာ ဖြစ်တယ်လို့ သိရပါတယ်။

 နိုင်ငံတစ်နှိင်ငံမှာ ပြည်သူ့နီတိဟာအရေးကြီးတာကြောင့် လူကြီးလူငယ်နဲ့ ပြည်သူ့နီတိဆိုတဲ့ စာအုပ်ကိုမြန်မာစာရေးဆရာကလပ်မှထုတ်ဝေသွားဖို့စီစဉ်နေပြီး ဒုတိယအနေနဲ့တော့ငြိမ်းချမ်းရေးနဲ့ ပတ်သက်တဲ့စာအုပ်တွေကိုလည်း ထုတ်ဝေသွားဖို့ရှိတယ်လို့ သိရပါတယ်။ ဒါ့အပြင် စာရေးနည်း သင်တန်းနဲ့ ဘာသာပြန်သင်တန်းတွေကိုလည်း ဇွန်လမှာ စတင်ဖွင့်လှစ်သွားမှာ ဖြစ်တယ်လို့ သိရပါတယ်။ မြန်မာစာရေးဆရာကလပ်ဟာ လူငယ်တွေကိုစာပေနဲ့ အသိပညာတိုးပွားစေဖို့ အတွက် စာပေဟောပြောပွဲတွေကိုကျင်းပသွားဖို့ရှိတယ်လို့ သိရပါတယ်။

 

 

Related News