ပန်းဘဲတန်းမြို့နယ် အမှတ်(၁၀)ရပ်ကွက်ရှိ (၃၁)လမ်းနဲ့(၃၂)လမ်း နောက်ဖေးလမ်းကြားကို  စာကြည့်တိုက်နှင့်အနားယူအပန်းဖြေနိုင်တဲ့ပုံစံအဖြစ် ရပ်ကွက်နေပြည်သူတွေနဲ့ ဒို့အိမ်အဖွဲ့တို့ ပူးပေါင်းဆောင်ရွက်နေတယ်လို့သိရပါတယ်။ (၃၁)လမ်းနဲ့(၃၂)လမ်းနောက်ဖေးလမ်းကြားကိုတော့ နံရံဆေးရေးပန်းချီတွေအပြင် စာကြည့်တိုက်နဲ့ အပန်းဖြေနားနေနိုင်တဲ့ နေရာတစ်ခုအဖြစ် လုပ်ဆောင်သွားမယ် လို့သိရပါတယ်။

စာကြည့်တိုက်မှာတော့ စာအုပ်တွေကို ကလေးတွေအတွက်အဓိကထားပြီး ပြုလုပ်ပေးသွားမယ်လို့ သိရပါတယ်။  (၃၁)လမ်းနဲ့(၃၂)လမ်းနောက်ဖေးလမ်းကြားဟာ အရှည်ပေ(၈၅၀)ရှိပြီး အခုလို စာကြည့်တိုက် ပြုလုပ်ဖို့နဲ့ အလှဆင်ဖို့အတွက် ကုန်ကျစရိတ်စုစုပေါင်းငွေကျပ်သိန်း(၃၀) ကျော်ခန့်မှန်းထားတယ်လို့ သိရပါတယ်။

ကုန်ကျစရိတ်တွေကို ဒို့အိမ်အဖွဲ့က (၈၀)ရာခိုင်နှုန်း ကူညီပေးမှာဖြစ်ပြီး (၃၁)လမ်းနဲ့ (၃၂)လမ်းက ပြည်သူတွေက(၂၀)ရာခိုင်နှုန်းထည့်ဝင်မှာဖြစ်တယ်လို့သိရပါတယ်။ လက်ရှိမှာ ဒို့အိမ်အဖွဲ့ကို နောက်ဖေးလမ်းကြားအလှဆင်ဖို့ ထပ်မံကမ်းလှမ်းထားတဲ့ လမ်းတွေရှိ သေးတယ်လို့သိရပါတယ်။

 

 

Related News