(၁၉၉၅)ခုနှစ်အောက် ခရီးသည်တင်မော်တော်ယာဉ်တွေကို  လာမယ့်ဇွန်လ(၂၀)ရက်နေ့ မှာ အပြီးအပ်နှံ ရမယ်လို့ ရန်ကုန်တိုင်းဒေသကြီးအစိုးရအဖွဲ့က ကြေညာလိုက်ပြီဖြစ်ပါတယ်။ (၁၉၉၅)ခုနှစ်အောက်မော်တော်ယာဉ်လိုင်းတွေဟာYBS စတင်ပြေးဆွဲစဉ် ကာလကတည်းက ၀န်ကြီးချုပ်မှဝင်ရောက်ပြေးဆွဲခွင့်ကို(၆)လအချိန်တိုးပေးခဲ့ပြီး လာမဲ့ဇွန်လ(၂၀)ရက်နေ့မှာ ပြေးဆွဲခွင့် သတ်မှတ်ရက်ပြည့်ပြီဖြစ်ပါတယ်။ ဒါကြောင့်ရန်ကုန်တိုင်းဒေသကြီးအစိုးရအဖွဲ့အနေနဲ့ ဇွန်လ(၂၀)ရက်အတွင်းမှာ မော်တော်ယာဉ်တွေကိုအရည်ကြိုလာရောက်အပ်နှံမှသာ လူစီးကားစလစ် ထုတ်ပေးသွားမယ်လို့ သိရပါတယ်။ဒီလိုဘတ်(စ်)ကားအပ်နှံမှုကို  ယခင်ကဘတ်(စ်)ကားစလစ်သာထုတ်ပေးခဲ့ပြီး လက်ရှိမှာ ယာဉ်ပိုင်ရှင်တွေမနစ်နာစေဖို့နဲ့ ကုမ္ပဏီအစုအဖွဲ့တွေမှာပါ ပြန်လည်ပါဝင်စေနိုင်ဖို့အတွက် အိမ်စီး ကားစလစ်ကိုထုတ်ပေးခဲ့တာဖြစ်ပါတယ်။ ရန်ကုန်တိုင်းဒေသကြီးအစိုးရအဖွဲ့ ကို ဇွန်လ(၂၀)ရက် နောက်ပိုင်းမှာအပ်နှံတဲ့ မော်တော်ယာဉ်တွေကတော့ အိမ်စီးကားစလစ်ရရှိမှာမဟုတ်ဘူးလို့ပြောပါတယ်။လက်ရှိမှာ YUPT ကုမ္ပဏီလက်အောက်မှာ မောင်းနှင်နေတဲ့ယာဉ်စီးရေ(၁၄၀၀)ကျော်ရှိနေပြီး အဲ့ထဲမှအစီးရေ(၅၆၀)ဟာ (၁၉၉၅)ခုနှစ်အောက်မော်တော်ယာဉ်တွေဖြစ်တယ်လို့ သိရပါတယ်။

 

Related News