လာမည့် နိုဝင်ဘာလ (၁) ရက်နေ့မှာ  ရန်ကုန် မင်္ဂလာဈေးအသစ်ပြန်လည် တည်ဆောက် သွားမှာဖြစ်ပြီးဈေးသူဈေးသားတွေကို မူလဆိုင်ခန်း နေရာအတိုင်း ပြန်လည်နေရာချထား ပေးသွားမှာဖြစ်တယ်လို့ သိရပါတယ်။မင်္ဂလာဈေးတည်ဆောက်မှုနဲ့ပတ်သက်ပြီး မေလ(၁၈)ရက်က ရန်ကုန်မြို့တော်စည်ပင်သာယာ ရေးကော်မတီမှာ ဈေးများဌာန၊ လွှတ်တော်ကိုယ်စားလှယ်နဲ့ မင်္ဂလာဈေးက ဈေးရုံကိုယ်စားလှယ်တွေ တွေ့ဆုံခဲ့ပြီး အဲဒီလို တွေ့ဆုံရာမှာတော့ မင်္ဂလာဈေးပြန်လည်တည်ဆောက်မှုနဲ့ပတ်သက်လို့ တည်ဆောက်မယ့်ကာလကို အချိန်(၂)နှစ်ခွဲအတွင်း အပြီးတည်ဆောက်သွားမှာဖြစ်တယ်လို့ သိရပါတယ်။ အဲဒီလို တည်ဆောက်တဲ့အခါမှာ ဈေးကြီးကို အဆင့်မြင့်တည်ဆောက်သွားမှာ ဖြစ်ပြီး (၁၅)ထပ်အမြင့်နဲ့တည်ဆောက်သွားမှာဖြစ်ကာ ဓါတ်လှေကား၊ ကားပါကင်၊ မီးငြှိမ်းသတ်ရေး စနစ်တွေကိုလည်း ထည့်သွင်းတည်ဆောက်သွားမှာဖြစ်တယ်လို့ သိရပါတယ်။

 မင်္ဂလာဈေးကြီးတည်ဆောက်ရာမှာ ဆိုင်ခန်းပိုင်ရှင်(၄၀၀၀)ကျော်ကို မူလဆိုင်ခန်းနေရာတွေမှာ ပြန်လည်ချထားပေးသွားမှာဖြစ်ပြီး ဆိုင်ခန်းအကျယ်အ၀န်းကိုတော့ (၅)ပေပတ်လည်အကျယ်အ၀န်း ရှိတဲ့ ဆိုင်ခန်းတွေကို ရန်ကုန်မြို့တော်စည်ပင်သာယာရေးကော်မတီ ဘတ်ဂျက်နဲ့တည်ဆောက်ပေး သွားမှာဖြစ်တယ်လို့ သိရပါတယ်။မင်္ဂလာဈေးတည်ဆောက်မှုနဲ့ပတ်သက်ပြီး ဒီဇိုင်းကုမ္ပဏီတစ်ခုကို ရွေးချယ်ပြီးစီးသွားပြီ ဖြစ်တဲ့အတွက် လက်ရှိမှာတော့ ဈေးကြီးတည်ဆောက်ရေးအပိုင်းကို ဆက်လက်ဆောင်ရွက်သွားမှာ ဖြစ်တယ်လို့ သိရပါတယ်။ လတ်တလောမှာတော့ အထပ်အလိုက် ကုန်ပစ္စည်းအမျိုးအစား နေရာချထားပေးမှုကို ဈေးကြီးတည်ဆောက်ပြီးစီးသွားမှသာ သိရှိနိုင်မှာဖြစ်တယ်လို့ သိရပါတယ်။ ဈေးသစ်တည်ဆောက်ရာမှာတော့ မင်္ဂလာဈေးရဲ့ မူလဈေးမြေဧရိယာအကျယ်အ၀န်းပေါ်မှာ တည်ဆောက်သွားမှာဖြစ်တယ်လို့ သိရပါတယ်။

 

 

Related News