မြန်မာနိုင်ငံဆောက်လုပ်ရေးလုပ်ငန်းရှင်များအသင်းနဲ့ Sphere Exhibits  တို့ပူးပေါင်းပြီး BuildTech Yangon ပြပွဲကို မင်းဓမ်္မလမ်းရှိ မြန်မာကွန်ဗန်းရှင်းစင်တာ(MCC)မှာ မေလ(၁၈)ရက် နေ့ကနေ(၂၀)ရက်နေ့အထိ(၃)ရက်ကြာ ကျင်းပနေပါတယ်။ ဒီပြပွဲမှာ အဆောက်ဦးကဏ္ဍ၊ ဆောက်လုပ်ရေးကဏ္ဍနဲ့ Green Building တည်ဆောက်ရာမှာ အသုံးပြုနိုင်တဲ့နည်းပညာများနဲ့ လုပ်ငန်းသုံးကုန်ကြမ်းပစ္စည်းများကို ပြသထားပါတယ်။ အဆောက်အဦးဆောက်လုပ်တဲ့နေရာမှာအသုံးပြုနိုင်တဲ့ ပစ္စည်းတွေဖြစ်တဲ့ ကြွေပြားများ၊ အိမ်သုံးပါကေးများ၊ အိမ်သုတ်ဆေးမျိုးစုံ၊ ကြမ်းခင်းအမျိုးမျိုးအပြင် အင်ဂျင်နီယာသုံးပစ်္စည်း အမျိုးမျိုးကိုလည်း ပြသထားပါတယ်။

ဒီပြပွဲမှာ ကုမ္ပဏီပေါင်း(၈၀)ကျော်က ပြခန်းပေါင်း(၁၀၀) ကျော်ကို ၀င်ရောက်ပြသထားပြီး ထူးခြားမှုအနေနဲ့ ပန်းရံအုပ်စီပြိုင်ပွဲကိုပါ ထည့်သွင်းပြုလုပ် ထားပါတယ်။ ပြပွဲမှာတော့ တရုတ်၊ အိန်္ဒိယ၊ အီတလီ၊ မလေးရှား၊ မြန်မာ၊ စင်ကာပူ၊ တောင်ကိုရီးယားနဲ့ ထိုင်းနိုင်ငံများမှ ထိပ်သီးကုမ္ပဏီများမှ ကုန်ပစ္စည်းများနဲ့ နည်းပညာဆိုင်ရာ ဖြေရှင်းချက်များ ကိုလည်းဝင်ရောက်ပြသထားပါတယ်။ ဒီပြပွဲကိုဝင်ရောက်ပြသရတာဟာ မြန်မာနိုင်ငံမှာ ဆောက်လုပ်ရေးလုပ်ငန်းနဲ့ပတ်သတ်ပြီး ကိုယ်စားလှယ်ရှာဖွေဖို့နဲ့ မိမိဝယ်ယူလိုတဲ့ပစ္စည်းတွေကို ကိုယ်တိုင်ချိတ်ဆက်မှာယူလို့ရရှိအောင် ပထမဆုံးအကြိမ်ဝင်ရောက်ပြသထားဖြစ်တယ်လို့ သိရပါတယ်။ ဆောက်လုပ်ရေးပစ်္စည်းဆိုင်ရာပစ္စည်းပြပွဲကို ပြုလုပ်ကျင်းပရတာဟာ စတုတ်္ထအကြိမ်မြောက် ကျင်းပတာဖြစ်ပြီး နောက်နှစ်တွေမှာလည်း MCC ခန်းမမှာပဲ ပြုလုပ်သွားမယ်လို့ သိရပါတယ်။

 

 

Related News