ဖျာပုံခရိုင်မှာ ကန်ထရိုက်အကျိုးတူလယ်ယာစနစ်ကို လာမယ့် မိုးစပါးရာသီမှာ စတင်အကောင် အထည်ဖော် ဆောင်ရွက်မယ်လို့ မြန်မာနိုင်ငံလယ်ယာစီးပွားရေး အများပိုင်ကော်ပိုရေးရှင်းမှ တာဝန်ရှိသူတွေက ပြောပါတယ်။  ကန်ထရိုက်အကျိုးတူလယ်ယာစနစ်ကို အခုမေလကုန် ၊ ဇွန်လအစမှာ စတင်ဆောင်ရွက်သွားမှာ ဖြစ်ပြီး စိုက်ဧကအနေနဲ့ မျိုးစပါး စိုက်ဧက ၆၀၀ နဲ့ အရည်အသွေးမြင့်စပါး စိုက်ဧက ၅၅၀၀ ဆောင်ရွက်သွားမယ်လို့ သိရပါတယ်။

ဖျာပုံခရိုင်အတွက် ဆောင်ရွက်မယ့် ကန်ထရိုက်အကျိုးတူ လယ်ယာစနစ်မှာ ကျိုက်လတ်မြို့နယ် ၊ ဒေးဒရဲမြို့နယ် ၊ ဖျာပုံမြို့နယ် ၊ ဘိုကလေးမြို့နယ် (၄) မြို့နယ်အတွက် အကျုံးဝင်ဝင်မယ်လို့ သိရပါတယ်။  အကျိုးတူလယ်ယာစနစ်မှာ ဖျာပုံခရိုင်အတွင်းက တောင်သူလယ်သမား (၁၈၅၀) ဦး ပါဝင်ဆောင်ရွက်သွား မှာဖြစ်ပြီး မျိုးစပါးစိုက်စရိတ် တစ်ဧက ငွေကျပ် (၁၅၀၀၀၀) နဲ့ အရည်အသွေးမြင့် စပါးစိုက်စရိတ်အတွက် တစ်ဧက ငွေကျပ် (၉၀၀၀၀) ကို ၃ ရစ်ခွဲပေးအပ်သွားမယ်လို့ သိရပါတယ်။

မြန်မာနိုင်ငံလယ်ယာစီးပွားရေး အများပိုင်ကော်ပိုရေးရှင်းအနေနဲ့ ဖျာပုံခရိုင်အတွက် မျိုးစပါး ၊ သွင်းအားစု ၊ စိုက်စရိတ် ၊ ရိတ်သိမ်းစရိတ် အတွက် စုစုပေါင်း ငွေကျပ် သိန်းပေါင်း ၁၂၂၅၅ ကျပ်ပေးအပ်သွားမယ်လို့ သိရပါတယ်။ မြန်မာနိုင်ငံလယ်ယာစီးပွားရေး အများပိုင်ကော်ပိုရေးရှင်းကနေ အကျိုးတူလယ်ယာစနစ်အပြင် တိုင်ဒေသကြီးနှင့် မြို့နယ် (၃၃) နေရာမှာလည်း လယ်ယာစီးပွားရေးဝန်ဆောင်မှုစင်တာများကို အမေရီကန်ဒေါ်လာ သန်း (၄၀၀) နဲ့ ဆောင်ရွက်သွားမယ်လို့ သိရပါတယ်။

 

 

Related News