ဇွန်လ (၂၉)ရက် မနက်(၉)နာရီက လှော်ကားရေလှောင်ကန်မှ ရန်ကုန်မြို့အတွင်းကို ရေပေးဝေလျှက်ရှိသော ရေပိုက်ချို့ယွင်းမှု ဖြစ်ပေါ်ခဲ့ရာ ရန်ကုန်မြို့တော် အင်ဂျင်နီယာဌာန (ရေနှင့်သန့်ရှင်းမှု)မှ သတ်မှတ်ထားတဲ့ အချိန်ထက်စောပြီး ပုံမှန်ရေပေးဝေနိုင်အောင် ပြုပြင် ဆောင်ရွက်နေတယ်လို့ သိရပါတယ်။
 
လှော်ကားရေလှောင်ကန်မှ ရန်ကုန်မြို့အတွင်းကို ရေပေးဝေလျှက်ရှိသည့် ၆၆လက်မ လှော်ကားပိုက်၊ ၄၂လက်မ လှော်ကားပိုက်နဲ့ ဆက်သွယ်ထားတဲ့ ပိုက်လိုင်းချို့ယွင်းမှု ဖြစ်ပေါ်ခဲ့တာ ကြောင့်  ရေပေးဝေမှုပြတ်တောက်ခဲ့တယ်လို့ သိရပါတယ်။
 
ရန်ကုန်မြို့တွင်းကို ဇွန်လ(၂၉)ရက်၊ မနက်(၉)နာရီမှာ ရေပေးဝေမှုပြတ်တောက်ခဲ့ပြီး ဒီနေ့ည(၈)နာရီမှာတော့ ရေပုံမှန် ပြန်လည်ပေးဝေနိုင်မှာဖြစ်တယ်လို့ ရန်ကုန်မြို့တော် အင်ဂျီနီယာဌာန (ရေနှင့်သန့် ရှင်းမှု) မှထုတ်ပြန်ထားပေမယ့် သတ်မှတ်ထားတဲ့ အချိန်ထက် ရေပုံမှန်ပြန်လည်ပေးဝေနိုင်အောင် ပိုက်လိုင်းကို ပြုပြင်ဆောင်ရွက်နေတယ်လို့ သိရပါတယ်။ ဒီပိုက်လိုင်းတွေကို ဆက်သွယ်ထားတဲ့ ရေပိုက်ချို့ယွင်းမှုဟာ အခုမှ ပထမဆုံးချို့ယွင်းတာဖြစ်တယ်လို့လည်း သိရပါတယ်။
 
လှော်ကားရေလှောင်ကန်မှ ဖြန့်ဝေပေးနေတဲ့ သောက်ရေကို အဓိကထားသောက်သုံးနေတဲ့  ပြည်သူတွေအနေနဲ့ ရန်ကုန်မြို့တော်စည်ပင်က ကြေညာထားတဲ့အချိန်ထက် စောပေးနိုင်ခဲ့ရင်တော့ အဆင်ပြေမယ်လို့လည်း ပြည်သူတစ်ဦးက ပြောပါတယ်။လှော်ကားရေလှောင်ကန်မှ ရန်ကုန်မြို့အတွင်းဖြစ်တဲ့ ရေကူးရေတွန်းစက်ရုံ၊ မင်္ဂလာဒုံ၊ အင်းစိန်၊မရမ်းကုန်း၊တာမွေ၊မင်္ဂလာတောင်ညွန့်၊ဗိုလ်တထောင်၊ပုဇွန်တောင်၊ကမာရွတ်၊ လှိုင်စတဲ့မြို့ အတွင်း(၁၀)မြို့နယ်ကို သောက်ရေဖြန့်ဝေပေးလျှက်ရှိတယ်လို့ သိရပါတယ်။ လှော်ကား ရေလှောင်ကန်မှ ရန်ကုန်မြို့အတွင်း တစ်နေ့ကို ရေဂါလံ (၁၆)သန်းခန့် ဖြန့်ဝေပေးလျက်ရှိတယ်လို့ သိရပါတယ်။
 
လှော်ကားရေလှောင်ကန်ကနေ  ရေပို့ပိုက်လိုင်းပြုပြင်နေစဉ်မှာ ရွှေပြည်သာ၊ အင်းစိန်၊ မရမ်းကုန်း၊ လှိုင်သာယာ၊လှိုင်၊ ကမာရွတ်၊ ရန်ကင်း၊ ဗဟန်း၊ တာမွေ၊ မင်္ဂလာတောင်ညွန့်၊ ပုဇွန်တောင်၊ ဗိုလ်တထောင်၊ သာကေတ၊ ကျောက်တံတားမြို့နယ်များကို ရေပေးဝေမှု ဖြတ်တောက်ထားတယ်လို့ သိရပါတယ်။
 
 

Related News