အခု ဇူလိုင်လ (၈)ရက်က ရန်ကုန်တိုင်းဒေသကြီးအစိုးရအဖွဲ့မှ YBS (၅၅)ယာဉ်လိုင်းကို တရားဝင်ဖျက်သိမ်းခိုင်းခဲ့ပြီး ခရီးသွားပြည်သူတွေနဲ့ကျောင်းသားကျောင်းသူတွေ ခရီးသွားလာရာမှာ အခက်အခဲမတွေ့စေဖို့အတွက် YBS (၉၀)ယာဉ်လိုင်းအသစ်ကို ဇူလိုင်လ(၁၀)ရက်က စတင်ပြေးဆွဲ နေတာဖြစ်ပါတယ်။ 
 
ယခင်ကပြေးဆွဲနေတဲ့ YBS (၅၅)ယာဉ်လိုင်းမှာ ယာဉ်အမျိုးအစား (၂)မျိုးရှိပြီး (၅၅)မီနီဘက်စ်အောင်တံခွန်ယာဉ်လိုင်းနဲ့ (၅၅)ဟွန်ဒိုင်း Express ဆိုပြီး ပြေးဆွဲခဲ့တာ ဖြစ်တယ်လို့ သိရပါတယ်။ (၅၅)မီနီဘက်စ်အောင်တံခွန်ယာဉ်လိုင်းမှာ တိုက်ကြီးမှ မင်္ဂလာဒုံခရေပင်လမ်းခွဲအထိ ပြေးဆွဲနေတာဖြစ်ပြီး ယခုအခါ YBS(၉၁)ယာဉ်လိုင်းအဖြစ် ပြောင်းလဲပြေးဆွဲနေတာဖြစ်ပါတယ်။
 
YBS (၅၅)ဟွန်ဒိုင်း Express ယာဉ်လိုင်းမှာ ဥက်္ကံ၊ တိုက်ကြီးမြို့မှ ဂိတ်စထွက်ကာ မြို့ထဲ မော်တင်မှတ်တိုင်အထိပြေးဆွဲနေတာဖြစ်ပြီး ယခုအခါYBS (၅၅)နေရာကို အစားထိုး ၀င်ရောက်လာတဲ့  YBS (၉၀)ယာဉ်လိုင်းမှာတော့ တိုက်ကြီးမြို့မှ ဂိတ်စထွက်ကာ ထောက်ကြံ့ မှတ်တိုင်ထိသာ ပြေးဆွဲပေးနေတယ်လို့ သိရပါတယ်။ ယခုပြေးဆွဲနေတဲ့YBS (၉၀)ယာဉ်လိုင်းရဲ့ ကားအမျိုးအစားမှာဟွန်းဒိုင်း အမျိုးအစားဖြစ်ပြီး  ၂၀၀၈ ကနေ  ၂၀၁၀မော်ဒယ်တွေ ဖြစ်တယ်လို့ သိရပါတယ်။ ယာဉ်စီးခတွေကိုလည်း ယခင်ဈေးနှုန်းအတိုင်း ကောက်ခံသွားမယ်လို့ သိရပါတယ်။ ယခုပြေးဆွဲနေတဲ့ YBS (၉၀)ယာဉ်လိုင်းမှာ စပါယ်ယာပါသေးပေမယ့် ဇူလိုင်လ(၂၀)ရက်ကစပြီး စပယ်ယာ မတင်တော့ဘဲ ပိုက်ဆံပုံးစနစ်ကိုစတင်ပြုလုပ်သွားမယ်လို့လည်း သိရပါတယ်။ယခု YBS (၉၀)ယာဉ်လိုင်းမှာ စုစုပေါင်း ကားအစီးရေ (၇၈)စီးရှိပြီး ယခုလက်ရှိမှာတော့ (၅၅)စီးနဲ့ ပြေးဆွဲနေတာဖြစ်တယ်လို့ သိရပါတယ်။
 
 

Related News