တန်ဖိုးသင့်အိမ်ရာတိုက်ခန်းတွေကို ဈေးနှုန်းသင့်တင်စွာရောင်းချပေးသွားမဲ့ Garden City Apartment Complex  အိမ်ရာစီမံကိန်းကို ဆောက်လုပ်သွားမယ်လို့   ဇူလိုင်လ ၁၁ ရက်က မန္တလေးမြို့ မင်္ဂလာမန္တလေး မှာပြုလုပ်တဲ့ သတင်စားရှင်းလင်းပွဲက သိရပါတယ်။အခုဆောက်လုပ် သွားမယ့် ဈေးနှုန်းသင့်တင့်အိမ်ရာတိုက်ခန်းတွေကို မန္တလေးမြို့ရှိ ပြည်ကြီးတံခွန်မြို့နယ် တံခွန်တိုင်အ၀ိုင်းအနီး မန္တလေးစက်မှုကုန်သွယ်ရေးစင်တာ MICT စီမံကိန်းမှာ  ဇူလိုင်လ ၁၆ ရက်ကစပြီး အကောင်အထည်ဖော်ဆောင်ရွက်သွားမယ်လို့ သိရပါတယ်။ အိမ်ရာတည်ဆောက်ရာမှာ ငလျင်ဒဏ်ခံနိုင်မယ့် Pile Foundation ကို အသုံးပြုသွားမှာဖြစ်ပြီး မြေအောက်ထပ်အပါအ၀င် အထပ် ၁၀ ထပ် ပါဝင်တဲ့ အဆောက်အဦ ၁၅ လုံးကို တည်ဆောက်သွားမှာ ဖြစ်တယ်လို့ သိရပါတယ်။ အဆောက်အဦတစ်ခုမှာ  ဓါတ်လှေကား ၃စင်း ပါဝင်မှာ ဖြစ်ပြီး စုစုပေါင်းအဆောက်အဦ ၁၅ လုံးအတွက် ဓါတ်လှေကား(၄၅)စင်း ပါဝင်မှာဖြစ်ပါတယ်။
 
အဆောက်အဦးကိုတော့  မြေဧက (၅.၅၃၃) ဧက အကျယ်အ၀န်းပေါ်မှာ တည်ဆောက်သွားမှာဖြစ်ပြီး ရင်းနှီးမြှုပ်နှံမှုငွေပမာဏအနေနဲ့ ငွေကျပ် (၃၉)ဘီလီယံရှိကာ တည်ဆောက်မှုအပိုင်းကို ၂၀၁၉ ဇူလိုင်လမှာ အပြီးတည်ဆောက်သွားမှာ ဖြစ်တယ်လို့ သိရပါတယ်။ တည်ဆောက်သွားမယ့် အခန်းတွေမှာ အမျိုးအစား(၃)မျိုးနဲ့ ဆောက်လုပ်သွားမှာဖြစ်ပြီး အခန်းပေါင်း ၆၉၀ ပါဝင်မှာဖြစ်တယ်လို့ သိရပါတယ်။တန်ဖိုးသင့်တင့်အိမ်ရာတိုက်ခန်းတွေ တည်ဆောက်ပြီးသွားပါက နိုင်ငံဝန်ထမ်းတွေအတွက် ကိုတော့ မူရင်း ဈေးနှုန်းရဲ့(၅)ရာခိုင်နှုန်း လျှော့ချရောင်းချပေးသွားမှာ ဖြစ်တယ်လို့ သိရပါတယ်။ 
 
 

Related News