မြန်မာနိုင်ငံအတွင်းမှာရှိတဲ့ ကျေးရွာတွေအားလုံးအနက် (၃၂၀၀၀) ကျော်ဟာ လျှပ်စစ်မီးရရှိဖို့ ကျန်ရှိနေသေးကြောင်း လျှပ်စစ်နှင့် စွမ်းအင်ဝန်ကြီးဌာနမှ သိရပါတယ်။ မြန်မာနိုင်ငံအနေနဲ့၂၀၃၀ အရောက်မှာ တစ်နိုင်ငံလုံး လျှပ်စစ်မီးရရှိရေးအတွက် စီမံချက်ချလုပ်ဆောင် နေတာဖြစ်ပြီး ယခု (၂၀၁၇) ခုနှစ် မေလအထိ စာရင်းတွေအရ မြို့တိုင်းအားလုံး လျှပ်စစ်မီးရရှိထားပြီး ကျေးရွာတွေထဲ မှာတော့ ထက်ဝက်နီးပါးဟာ လျှပ်စီးရရှိဖို့ကျန်နေသေးတယ်လို့ ဇူလိုင်လ(၁၃)ရက်က နေပြည်တော်မှာ ရှိတဲ့ လျှပ်စစ်နှင့်စွမ်းအင်ဝန်ကြီးဌာနရုံးမှာပြုလုပ်တဲ့ သတင်းစာရှင်းလင်းပွဲမှ သတင်းထုတ်ပြန်ချက်အရ သိရပါတယ်။
 
မြန်မာတစ်နိုင်ငံလုံးမှာ လက်ရှိကျေးရွာပေါင်း(၆၃၈၅၉)ရွာရှိပြီး အဲဒီထဲက(၃၁၈၀၄)ရွာဟာ လျှပ်စစ်မီး ရရှိထားတယ်လို့သိရပါတယ်။ လျှပ်စစ်မီးရရှိဖို့ ကျန်ရှိနေတဲ့ရွာတွေထဲမှာ ရှမ်းပြည်နယ်က အများဆုံးဖြစ်ပြီး ရှမ်းပြည်နယ်မှာ ကျေးရွာပေါင်း ၁၄၃၃၄ ရွာရှိတဲ့အနက်  (၁၀၄၅၉)ရွာ ကျန်နေသေးကာ ဧရာဝတီတိုင်းဒေသကြီးမှာ  (၅၃၁၄)ရွာ၊ ပဲခူးတိုင်းဒေသကြီးမှာ (၄၄၇၉)ရွာတို့ဟာ လျှပ်စစ်မီးရဖို့  အများဆုံးကျန်နေတာဖြစ်တယ်လို့ သိရပါတယ်။  ဒါ့အပြင် ယခုနှစ်မေလအထိ မြန်မာ တစ်နိုင်ငံလုံးမှာရှိတဲ့ အိမ်ထောင်စုအရေအတွက်ရဲ့ ၃၈ရာခိုင်နှုန်းဖြစ်တဲ့ (၄ဒသမ၁)သန်း ကျော်အထိ လျှပ်စစ်မီးရရှိထားပြီး ယခု (၂၀၁၇-၂၀၁၈) ဘဏ္ဍာနှစ်အကုန်မှာတော့ အိမ်ထောင်စု ပေါင်း (၄ ဒသမ ၄) သန်းကျော်အထိ မီးရရှိဖို့ခန့်မှန်းထားတယ်လို့ သိရပါတယ်။
 
တစ်နိုင်ငံလုံး လျှပ်စစ်ဓာတ်အား အပြည့်အ၀သုံးစွဲနိုင်ရေးအတွက် ဓာတ်အားထုတ်လုပ်မူ၊ ပို့လွှတ်မှုနဲ့ ဖြန့်ဖြူးမှု တို့ကို ဖွံ့ဖြိုးတိုးတက်လာအောင် လုပ်ဆောင်နေတယ်လို့လည်း လျှပ်စစ်နှင့် စွမ်းအင်ဝန်ကြီးဌာနက သိရပါတယ်။ 
 
 
 

Related News