စိတ်ကူးချိုချိုစာအုပ်တိုက်မှ စာအုပ်မိတ်ဆက်ပွဲနဲ့ စာအုပ်လှူဒါန်းမယ့် အစီအစဉ်အတွက်သတင်းစာရှင်းလင်းပွဲကို ဇူလိုင်လ (၁၄)ရက်နေ့က Yangon Book Plaza မှာပြုလုပ်သွားခဲ့ပါတယ်။ စိတ်ကူးချိုချိုစာအုပ်တိုက်မှထုတ်ဝေတဲ့ ဆရာကြီး ဒေါက်တာသန်းထွန်းရဲ့ Royal Order Of Burma  (၁၀)တွဲပေါင်းချုပ် စာအုပ်အကြောင်းကိုမိတ်ဆက်ခဲ့ပြီး စိတ်ကူးချိုချိုစာအုပ်တိုက်ရဲ့ ၁၈နှစ်ပြည့် အမှတ်တရအဖြစ် ကချင်ပြည်နဲ့ ချင်းပြည်နယ်ရှိ စာကြည့်တိုက်တွေနဲ့ အခြေခံကျောင်းပေါင်း ၄၀၀ ကို လိုအပ်မယ့်စာအုပ်တွေကိုလှူဒါန်းသွားမှာဖြစ်တယ်လို့ သိရပါတယ်။
 
စိတ်ကူးချိုချိုစာအုပ်တိုက် အနေနဲ့ အခုလိုစာအုပ်လှူဒါန်းမှုကိုပြုလုပ်လာတာဟာ ဒုတိယအကြိမ်မြောက်ပြုလုပ်တာ ဖြစ်တယ်လို့ သိရပါတယ်။စိတ်ကူးချိုချိုစာအုပ်တိုက်မှ မိတ်ဆက်ခဲ့တဲ့ ဆရာကြီး ဒေါက်တာသန်းထွန်းရဲ့ Royal Order Of Burma (၁၀)တွဲပေါင်းချုပ်စာအုပ်ရဲ့ ရောင်းဈေးမှာ ကျပ် ၁သိန်း ၂ သောင်းနဲ့ သြဂုတ်လ (၁)ရက်နေ့မှာ ရောင်းချသွားမှာဖြစ်တယ်လို့ သိရပါတယ်။ဆရာကြီးဒေါက်တာသန်းထွန်းရဲ့ Royal Order Of Burma(၁၀)တွဲပေါင်းချုပ်စာအုပ်ကို သြဂုတ်လ(၁)ရက်မှာပြုလုပ်မယ့် စာအုပ်ဈေးရောင်းပွဲတော်မှာ ရောင်းချသွားမှာ ဖြစ်တယ်လို့ သိရပါတယ်။ 
 
 

Related News